fbpx
UK Government post the BNO Equal Right Art, how many budget you need for immigration to UK? | JiaYu

英國政府公布BNO平權方案! 出發英國要預幾錢喺戶口?

好消息!BNO平權成功,曾經持有BNO嘅港人 (have a BN(O) status) 可以喺出年1月開始申請去英國喇!呢個VISA嘅申請條件詳情到底係點?PR條件又係咩?證明6個月財政能力即係要預幾多錢?知道大家都心大心細,不如一齊嚟睇清楚方案細節啦!

英國內相彭黛玲將呢個方案形容為「慷慨但非毫無條件」嘅特惠移民政策,計劃將由2021年1月開始申請,可申請單次5年期嘅簽證,或者選擇每30個月續簽一次。留英期間可以讀書 / 工作,但唔可以申領任何社會福利。

申請條件

  • 只要曾經持有過BNO (have BN(O) status)就可以申請,無須手持有效BNO
    即係就算本護照唔見咗 / 過咗期都無須擔心,內政部可以睇到你嘅紀錄!
  • 通常居住喺香港
  • 必須證明有足夠嘅財政能力,可負擔抵達英國後6個月嘅生活開支及住宿
  • 必須展示你有學英文嘅決心,申請PR時要有一定英文程度
  • 必須通過肺結核病測試,並須於內政部認可的診所進行
  • 必須支付簽證申請費 (待定) 及NHS醫保費 (每年£624)

受養人安排
申請人可以帶同配偶、民事結合嘅伴侶 (包括同性伴侶)、同居兩年或以上的伴侶;而子女方面包括未滿18歲嘅子女,以及18歲以上但仍需依賴父母生活嘅子女。

申請永久居留及入籍
英國政府公布嘅官方資料顯示,提及留英滿5年後可申請永居,之後再住1年可以入籍。而根據現有嘅移民法例,申請PR嘅要求如下:

  1. 必須喺英國連續居住5年,5年期間嘅任何連續12個月內,不能離開英國多於180日;
  2. 所有18-64歲人士需要通過Life in the UK考試,及英文要求 (IELTS Life Skills B1 Test)、或持有以英語授課的大學學歷證明。

獲批PR後,申請人再住多一年可申請入籍
申請人喺入籍前5年內,不能離開英國多於450日;申請前12個月內不能離開英國多於90日。

出發英國之前,除咗準備文件,仲要準備資金,證明你一家人可以喺財政上負擔到半年嘅生活。以下呢個表簡單總結咗你到底需要預備幾多錢:

No. of ApplicantsAdditional Income RequiredTotal Income Required for 1YearTotal Income Required for Half Year
+Spouse£18,600£18,600£9,300
+Spouse
+1 Child
£3,800£22,400£11,200
+Spouse
+2 Children
£2,400£24,800£12,400
+Spouse
+3 Children
£2,400£27,200£13,600

須準備嘅資金證明文件:

  • 顯示賬戶餘額嘅銀行月結單
  • 英國嘅收入證明,如糧單、投資收入、或退休金
  • 投資文件
  • 海內助學金證明
  • 英國工作offer信
  • 申請人伴侶、配偶或其他家庭成員嘅收入,而申請人可有權使用該筆錢
  • 家人或朋友提供嘅住宿
  • 或英國政府接納嘅其他證據

以上就係英國BNO平權方案嘅大致詳情喇,以後如果英國政府仲有咩更新,都會再同大家一一更新下!

資料來源:
https://www.gov.uk/guidance/british-nationals-overseas-in-hong-kong
https://www.gov.uk/apply-for-a-uk-residence-card/permanent-residence-card

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

加拿大邊三大城市最能留住新移民?最宜居城市又有邊個?

加拿大現已成為港人最愛熱門移民地點,但移民去邊個城市都有好多因素要考慮。縱向移民數據庫剛針對移民報稅者,推出2020年嘅數據,指出新移民最喜愛居住嘅城市為溫哥華、多倫多、及愛民頓(Edmonton)。咁實際上邊個城市最宜居呢? 根據加拿大統計局IMDB (Longitudinal Immigration Database)發表對2020年移民報稅者嘅統計報告顯示,2014年落地加拿大嘅新移民最喜愛居住嘅城市為溫哥華、多倫多、及愛民頓(Edmonton),都係加拿大經濟發展相對理想嘅大城市。 新移民鍾意喺大城市定居,由2014年落地加拿大嘅移民數據顯示,亦有唔少人移民5年後繼續留喺最初到埗嘅省份,而最多人到埗後留居嘅亦係安省。 留居率/地區 移民後5年 移民後10年 安大略省(Ontario) 94% 91.5% BC省(British Columbia) 90% 87.3% 亞伯塔省(Alberta) 89% 86.1% 新移民嘅留居率受移民類別或永居前嘅簽證類別影響,由報告中可以睇到,唔同嘅移民類別都有唔同留居率,當中又以家庭團聚移民留居率最高,睇嚟移民揀好地方落腳後通常都唔會經常搬屋: 留居率/地區 移民後5年 家庭團聚移民 93% 難民

一文帶你看清出發移民前有咩基本準備

港人移民潮仍持續,分析比較移民邊度好都睇得多,今次純粹同大家分享下遠走他鄉有咩大大小小嘅準備工夫,希望大家可以喺離開前盡量做好萬全準備,喺遠洋以外展開新生活會相對容易。即刻由衣食住行各方入手,睇下移民應該做咩準備喇! 疫情檢疫措施——疫苗、隔離 COVID-19疫情持續,各國對入境者都有唔同入境限制及檢疫措施,大部分國家都要求入境者打齊針,更加要查下當地接受咩疫苗、隔離日數或者免隔離條件係咩,以免被拒入境。以下係熱門移民國家針對疫情嘅入境檢疫措施供參考: 國家 檢疫措施 澳洲 ·         入境14日或之前完成接種澳洲藥物管理局 (TGA) 認可之疫苗·         出發前72小時內PCR檢測陰性證明·         航班起飛前72小時完成澳洲旅遊申報表·         隔離時間視乎各州規定,詳見澳洲網站 加拿大 ·         入境14日或之前完成接種加拿大政府認可之疫苗 英國 ·         入境前完成接種英國政府認可之疫苗·         出發前48小時內PCR檢測陰性證明·         前往英國政府網站睇檢疫措施 部分國家可以容許入境者打齊針後免隔離,否則就要預先預約隔離酒店。建議各位正式出發前,就個人情況先諮詢一下目的地嘅入境部門,如果冇預算好隔離措施就飛,有可能入唔到境㗎。 處理資產 正式離港在即,所有實體或非實體資產都要變型運去外國,例如係你自住嘅物業、銀行存款、或者係其他投資等。 有樓嘅放盤賣樓、有錢嘅就唱定當地貨幣轉帳到外地銀行戶口;甚至其他投資資產喺衡量過後都可以賣得就賣,易於管理嘛。至於大家都好關注嘅強積金當然要拎走啦,拎唔拎到就睇功力同公司喇。

26/12-1/1 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。