fbpx
Cost of living in UK for 6 years, by a family of 4 | JiaYu

用BNO移民英國 一家四口6年要洗幾多錢?

BNO平權方案細節推出之後,一石引起千重浪,唔少港人都開始做前往英國嘅準備。早前我哋出咗篇文章,介紹去英國前要預備幾多錢喺戶口,而今日就詳細為大家解讀喺英國生活6年要用幾多錢啦!

上次講到,根據英國Family Visa嘅要求,推測出一家四口半年嘅生活開支約需要£12,400 (即港幣約$124,000),咁實際上喺英國唔同嘅城市生活,半年又要用幾多錢呢?參考NUMBEO嘅數據,一個月嘅開支大概如下:

城市倫敦曼徹斯特格拉斯哥
市中心
三房單位租金
£3,184£1,420£1,064
水電煤£168£138£114
伙食£835£712£679
交通£450£210£168
電話數據費£95£92£88
每月基本開支£4,732£2,572£2,113

喺倫敦生活6年,一家四口嘅基本生活開支就高達£340,704,即係約港幣340萬!而曼城同格拉斯哥嘅生活開支就分別係£185,184同埋£152,136,比倫敦低46 – 55%。所以出發前,揀好目標城市相當重要,對你未來嘅開支預算會起到好大嘅指標作用。

講完日常生活使費,一家四口喺英國6年嘅簽證費用都唔係一個小數目嚟,不如又統計下:

項目總計
簽證費 (尚未公布)
參考Tier 2三年工作簽證費計算
(首次申請每人£610,續簽每人£704)
£5,256
體檢費 (視乎診所收費而定)
(11歲或以上) HKD 900
(11歲以下) HKD 450
£270
移民健康附加費
(Immigration Health Surcharge)
(18歲或以上) 每人每年£624
(18歲以下) 每人每年£470
£15,640
Indefinite Leave to Remain (ILR) 申請費 (尚未公布)
參考目前費用,每人£2,389
£9,556
生物特徵居留證 (Biometric Residence Permit, BRP) (尚未公布)
Indefinite Leave to Remain 申請費為每人£229
£224
入籍申請費 (尚未公布)
參考目前費用,
(18歲或以上) 每人每年£1,206
(18歲以下) 每人每年£1,012
£4,436
£35,382

咁即係話,一家四口去英國6年間,粗略估計最少總開支都要用£187,518,預計差唔多要港紙190萬㗎!

當然~你去到英國唔會坐喺度嘅,如果搵到工又有啲積蓄,相信都可以喺英國生活到。

出發英國前,不妨做好理財準備,去到都唔會失咗預算~ 睇下自己負唔負擔到英國生活,不如睇下我哋之前篇文章:http://jnyintl.com/2020/07/10/uk_job/

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

加拿大邊三大城市最能留住新移民?最宜居城市又有邊個?

加拿大現已成為港人最愛熱門移民地點,但移民去邊個城市都有好多因素要考慮。縱向移民數據庫剛針對移民報稅者,推出2020年嘅數據,指出新移民最喜愛居住嘅城市為溫哥華、多倫多、及愛民頓(Edmonton)。咁實際上邊個城市最宜居呢? 根據加拿大統計局IMDB (Longitudinal Immigration Database)發表對2020年移民報稅者嘅統計報告顯示,2014年落地加拿大嘅新移民最喜愛居住嘅城市為溫哥華、多倫多、及愛民頓(Edmonton),都係加拿大經濟發展相對理想嘅大城市。 新移民鍾意喺大城市定居,由2014年落地加拿大嘅移民數據顯示,亦有唔少人移民5年後繼續留喺最初到埗嘅省份,而最多人到埗後留居嘅亦係安省。 留居率/地區 移民後5年 移民後10年 安大略省(Ontario) 94% 91.5% BC省(British Columbia) 90% 87.3% 亞伯塔省(Alberta) 89% 86.1% 新移民嘅留居率受移民類別或永居前嘅簽證類別影響,由報告中可以睇到,唔同嘅移民類別都有唔同留居率,當中又以家庭團聚移民留居率最高,睇嚟移民揀好地方落腳後通常都唔會經常搬屋: 留居率/地區 移民後5年 家庭團聚移民 93% 難民

一文帶你看清出發移民前有咩基本準備

港人移民潮仍持續,分析比較移民邊度好都睇得多,今次純粹同大家分享下遠走他鄉有咩大大小小嘅準備工夫,希望大家可以喺離開前盡量做好萬全準備,喺遠洋以外展開新生活會相對容易。即刻由衣食住行各方入手,睇下移民應該做咩準備喇! 疫情檢疫措施——疫苗、隔離 COVID-19疫情持續,各國對入境者都有唔同入境限制及檢疫措施,大部分國家都要求入境者打齊針,更加要查下當地接受咩疫苗、隔離日數或者免隔離條件係咩,以免被拒入境。以下係熱門移民國家針對疫情嘅入境檢疫措施供參考: 國家 檢疫措施 澳洲 ·         入境14日或之前完成接種澳洲藥物管理局 (TGA) 認可之疫苗·         出發前72小時內PCR檢測陰性證明·         航班起飛前72小時完成澳洲旅遊申報表·         隔離時間視乎各州規定,詳見澳洲網站 加拿大 ·         入境14日或之前完成接種加拿大政府認可之疫苗 英國 ·         入境前完成接種英國政府認可之疫苗·         出發前48小時內PCR檢測陰性證明·         前往英國政府網站睇檢疫措施 部分國家可以容許入境者打齊針後免隔離,否則就要預先預約隔離酒店。建議各位正式出發前,就個人情況先諮詢一下目的地嘅入境部門,如果冇預算好隔離措施就飛,有可能入唔到境㗎。 處理資產 正式離港在即,所有實體或非實體資產都要變型運去外國,例如係你自住嘅物業、銀行存款、或者係其他投資等。 有樓嘅放盤賣樓、有錢嘅就唱定當地貨幣轉帳到外地銀行戶口;甚至其他投資資產喺衡量過後都可以賣得就賣,易於管理嘛。至於大家都好關注嘅強積金當然要拎走啦,拎唔拎到就睇功力同公司喇。

26/12-1/1 本週出租紀錄

本周英國物業的出租紀錄為位於East Kilbride的一房Flat單位,當地社區設施完善,為蘇格蘭著名的市鎮,吸引了不少居民居住。恭喜黃小姐成功租出樓盤,由確認購買指示至收樓約用了兩個月時間。此樓盤租金回報率為12.6%。