近來，英國物業嘅關注度越來越高，唔少人都開始考慮應唔應該喺英國置業、去邊個城市置業最為理想。英國唔同地區嘅物業購買程序、法例等都有差別，你喺揀地區同睇盤之前，一定要了解清楚各地規例，以免失預算。
How to buy a home – GOV.UK (England & Wales)
由官方嘅How to buy a home指引嘅11章中Making an offer，指出口頭出價可以喺成交前再重新議價，即使雙方早前已經達成咗嘅共識，但仍然有再改價嘅空間。呢個條款對買家嚟講，意味住未到雙方正式俾錢嘅一刻，賣家隨時可以再抬價，甚至係取消交易。
另外，呢份指引亦都提到，買家可以請estate agent將樓盤停止列出，但賣家仍然有權繼續喺網上放售。
總結而言，England同Wales嘅物業買賣流程係，即使買賣雙方都同意咗價格，不過一日未成交，一日都仲有變數，告吹交易嘅機會率頗大。換言之，一日未正式俾錢，你所買嘅物業都唔一定屬於你，你有權取消交易嘅同時，賣家亦可以選擇唔賣俾你。
Buying a home: the legal process – mygov.scot (Scotland)
至於Scotland購買物業嘅流程，與England & Wales就有好大分別。根據蘇格蘭政府發佈嘅Buying a home: the legal process中Making offer中說明，買家嘅出價offer必須由你的律師發出，而當買賣雙方均同意offer並達成共識後，雙方會發出同意書（即massive）予對方，此時就已形成合約。
值得注意嘅點係，當合約締結後，如果買家決定喺雙方已接受同意書後退出交易，將須負責支付賣家的損失。
喺Scotland嘅法律中，購買物業一旦買賣雙方確立出價同其他offer細節後，合約已經有法律效力，而且唔似England & Wales咁，隨時可以反悔，某程度上對買賣雙方嘅保障更多，但相對地確立出價後嘅彈性會細啲。 England & Wales、Scotland嘅購買物業出價規則大有不同，如果喺唔同地區置業，一定要徹底了解清楚，與代理好好溝通。祝大家都能買到心儀嘅物業～
