喺英國購買物業，程序繁瑣得嚟又複雜。因應疫情影響，好多外國人都未必可以飛過去親身睇樓，以及處理買樓流程，呢個時候就需要代理與律師團隊嘅幫忙喇。但係香港人對英國市場唔太了解，究竟可以搵邊個、去邊度搵人幫手？
喺香港，有唔少人會搵地產代理幫手搵盤，而喺英國，都一樣有類似嘅代理，但就分成Estate Agent同Sourcing Agent兩種。
Estate Agent與Sourcing Agent的分別
| Estate Agent | Sourcing Agent | |
| 服務對象 | 賣家 | 買家 |
| 職能 | 為賣家爭取盡量高的成交價 | 代表買家與業主議價，爭取以較低價錢成交 |
| 服務費 | 平均為成交價的0.75 – 1.42% (包括VAT) | 不同代理收費不一，一般為£1,000 – 5,000 |
上述嘅表格顯示，Estate Agent同Sourcing Agent有根本嘅分別，兩者嘅服務對象、職能都完全唔同。
而作為買家，唔熟悉當地市場、又冇門路搵盤，好多時都要靠Sourcing Agent幫忙。但係市面上嘅代理良莠不齊，要搵信得過又唔會甩頭甩尾嘅代理其實都唔容易。
搵錯代理唔止盤源唔靚，仲有可能會俾佢呃錢，向你收取正常範圍以外嘅費用！
好多香港人都習慣咗搵代理睇樓盤，睇到啱為止，成交後代理先會抽佣。但係其實英國嘅運作好不一樣，代理只會俾提供2-3個盤你，最後成唔成交都好，都要俾£1,000 – 5,000嘅費用。即係話，你越睇得多盤，到Sourcing agent手嘅費用就會越高。
所以喺英國買樓，真係要揀真睇真啲，慎選一個可靠嘅代理，買樓流程順暢，所有事都會事半功倍！
