fbpx

加拿大推出優惠港青年政策 抵加後符合條件可申永居

加拿大移民部長Marco Mendicino於12日宣布,因應港版國安法實施,推出新政策及放寬原有移民政策,更提供咗兩條全新申請永居嘅途徑,以及取消港人申請難民失敗後需等待一年嘅規定,港人又多個選擇可以移民海外啦!

今次加拿大移民部嘅政策(請按此),主要為香港的年輕人提供更多發展嘅機會,廣納人才,同時強調加拿大向來都係移民國家,並希望各領域嘅人才可以協助加拿大重建被疫情重創嘅經濟,符合咩條件先可以申請永居呢?主要為以下三種人士:

  • 於世界各地受認可嘅大專院校就讀專上教育或以上學業,並在過去五年內畢業,可提供予港人申請長達三年嘅工作簽證;
  • 過去三年內於認可加拿大大專院校,完成專上教育或以上學業;
  • 過去三年內,至少於加拿大工作一年,滿足一定英語水平;

雖然今次加拿大政府宣布嘅係利好香港人嘅消息,令唔少香港人更容易到加拿大嘅工作簽證,有助申請永居。但係計劃嘅申請條件細則仍未明朗,加政府仍冇明確界定年輕人嘅定義,工作簽證簽發後,申請人被賦予嘅搵工期限係幾長?定係出發前就已經要搵定工?

似乎一切都仲要等加拿大政府嘅進一步通知啦!

除咗上述嘅港人簽證及申請永居方案外,加拿大移民部長同時亦宣布,將加速處理港人嘅永居申請,包括家庭團聚類移民、留學及工作簽證等。

另外,就港版國安法實施以來,加拿大政府除暫停與香港引渡協議外,今次亦宣布干犯國安法並被檢控嘅港人唔會喪失尋求政治庇護、申請永居或其他許可嘅資格。除此之外,加政府更豁免港人尋求庇護失敗後,需要等十二個月先可以重新申請嘅限制,為因政治原因或會遭遇危險嘅港人提供多一個方案。

雖然今次加拿大政府嘅政策聽落十分吸引,但其實當中都有唔少細節尚未出台,仲需要觀望下,等待當局下一次更新~

家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

12-18/06 本週出租紀錄

是次出租紀錄為大家介紹蘇格蘭兩房Flat,位於East Ayrshire鎮上,為當地頗受歡迎的住宅區。物業的租金回報為13.4%,李小姐對物業回報感滿意,亦十分滿意Sourcing Agent及Letting Agent提供的專業服務,單位於三個月內完成成交。

澳洲政府於移民計劃面臨挑戰 視處理延誤簽證為最優先

澳洲執政黨於月前換屆,工黨政府需面對大量移民簽證處理延誤以及勞動力極度短缺嘅挑戰,喺COVID-19依然大流行嘅情況下仍需尋找出口。澳洲內政部表示將於嚟緊數月面對澳洲移民挑戰,致力令更多人能更快移民澳洲、或脫離現時困境。

加拿大超級簽證 將於7月延長申請人單次逗留期限

加拿大移民、難民和公民部 (IRCC) 部長日前宣布,超級簽證 (Super Visa) 嘅單次逗留期限延長至5年,政策更新將於7月4日起生效,更可於加拿大逗留期間申請延長一次逗留期限。不如即刻睇下超級簽證與普通探親簽證有咩分別?