最近本地銀行凍結賬戶風波再現，令唔少人對本地銀行嘅保障失去信心。繼國安法出台後，香港似乎將迎來新一波「走資潮」，唔少香港人都趕住將資產轉移到海外戶口，更甚者將資金轉成外匯。上次講過英國銀行離岸戶口，今次就嚟介紹下唔同海外證券商、投資戶口，或者係你轉移資產嘅好選擇！
睇上集講英國離岸戶口請即撳入條Link👉🏻http://jnyintl.com/2020/10/16/uk_bank_offshore_account/
熱門證券戶口大比拼
相信有投資開嘅朋友對Interactive Broker（IB）都唔會陌生，同時Firstrade亦係美國證券公司，亦係屬於較易開嘅離岸戶口，兩者都係投資戶口，做個簡單比較先！
| Interactive Broker（IB） | Firstrade | |
| 簡介 | 美國上市投資公司，美國戶口受到美國投資者保障(SPIC)，非常安全。不過現時香港人只可開到香港戶口，唔算真正離岸戶口。 | 在1985年成立，美國本土證券公司，擁有30年卓越經驗嘅網絡券商，資金受美國投資者保障(SPIC)。 |
| 開戶費 | 全免 | 全免 |
| 月費 | 每月US$10 存款高於US$100,000免月費 | 全免 |
| 匯入款項手續費 | 全免 | 約US$33（包括匯出及中介銀行收費） 匯款逾US$10,000最高可獲US$25手續費回贈 |
| 匯出款項手續費 | 每月可免費匯出一次 其後每次US$10 （未包括收賬賬戶收取的手續費） | 每次US$50 （未包括收賬賬戶收取的手續費） |
| 最低存款限額 | US$1,000 | US$100 |
| 全球提款卡 | 無 | 申請美國銀行推出嘅 Visa Debit Card，可用於網上購物及全球提款 |
| 外匯兌換 | 匯率划算，幾乎無差價，外幣可匯回香港戶口 | 無 |
| 投資產品種類 | 眾多，包括股票/ETF/期權等超過11,000種基金 | 眾多，包括股票/ETF/期權等超過11,000種基金 |
| 投資交易手續費 | 每股US$0.005（最少收US$1） | ETF/股票交易費用全免 |
而兩者嘅優、缺點則可以歸納為以下幾點：
| Interactive Broker（IB） | Firstrade | |
| 優點 | – 超靚匯率，用作兌換外幣一流 – 如非頻繁匯款，可免一部分手續費 投資產品種類繁多，手續費只需US$10以下，較香港銀行平得多 | – 最低存款額只需US$100,資金不多嘅朋友都可以開 – Debit Card可作全球流通使用，方便實際 免除ETF及股票等交易費用、交易期權0佣金、0合約費等手續費 |
| 缺點 | – 非真正離岸戶口，屬IB香港分公司戶口，屬銀行保障戶口，IB不可動用 – 冇美國投資者保障(SPIC) – 資金要求較高（US$100,000），否則須付月費 | – 由香港銀行匯款至Firstrade更須收手續費，最低為HK$65 以Debit Card提款亦須付3%手續費 |
當然啦，兩者嘅證券戶口都各有好處及壞處，簡單嚟講經常兌換外幣就應該開IB戶口、而開真離岸戶口就開Firstrade！
咁如果你本身已經開咗海外戶口或離岸戶口，你仲可以開返個Transferwise戶口，幫你轉走啲錢到海外戶口，手續費極低，匯率吸引！由下圖我哋可以見到，Transferwise嘅匯率較佳：
除咗轉移資產到海外，唔少準備移居或移民嘅朋友都會需要一個海外戶口，現時我哋推出咗加拿大及澳洲開戶服務，想免卻繁複又冗長嘅開戶過程，即刻聯絡我哋獲取更多資訊啦～
家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。
