fbpx

太空人或夢碎!BNO簽證更多細節釋出 即刻著手準備

BNO簽證一宣布正式接受申請後,唔少港人已經立即開始喺網上申請。英國政府官方再度公布簽證細節,當中就包括列明咗18歲以下嘅申請者必須同時與父母二人同時赴英,太空人或許夢碎。另外,申請BNO簽證時需要提供咩財政證明、要俾咩費用等都已經有官方公布喇,即刻嚟睇下先啦~

太空人或無望?!

根據英國政府官方網站所載,所有家庭成員申請BNO簽證時,必須以受養人身份申請,並再次強調申請時必須整個家庭同時申請,如申請人嘅簽證獲批後,受養人再申請簽證將不獲批。

本來曾經有被提及過嘅太空人或無望。英國政府網站列明,18歲或以下的受養人須與父及母一同申請BNO簽證(單親或監護人非父母除外),並須通常與父母同住(離家遠讀除外)。值得留意嘅係,今次更新亦提到申請人成年子女嘅伴侶亦可一同申請,而政府對伴侶嘅定義不變,同樣要獲英國承認嘅民事婚姻/法定伴侶關係,或至少同居兩年。

但係申請簽證時需要一家人一同申請,係咪可以分開赴英、計算「5+1」年期時又係咪可以分開?英國政府卻並未就呢啲問題作進一步解釋。而且喺申請BNO簽證後,網上申請須在90天後赴英、而2月23日才開放申請嘅手機應用程式則無限制赴英時間,都似乎留咗一定空間係上述問題到,未有正式解答前,暫時建議大家唔好跟車太貼。

關於更多申請細節,可以睇返日前嘅文章👉🏻BNO簽證開始接受網上申請 透視申請全攻略

之前我哋亦曾經猜測過英國政府對BNO簽證申請人嘅財政要求(Proof of Finance),今次等到官方公布消息,比起預測中還要低,詳情如下:

申請人數目半年最低資金要求
單身成人£2,000
成人+配偶
+1未成年子女
£3,100
成人+配偶
+3未成年子女
£4,600
成人+配偶
+2家長
+2成年子女
£9,200
資料來源:英國政府網站

須準備嘅資金證明文件:

  • 顯示賬戶餘額嘅銀行月結單
  • 英國嘅收入證明,如糧單、投資收入、或退休金
  • 投資文件
  • 海內助學金證明
  • 英國工作offer信
  • 申請人伴侶、配偶或其他家庭成員嘅收入,而申請人可有權使用該筆錢
  • 家人或朋友提供嘅住宿
  • 或英國政府接納嘅其他證據

當然,呢個只係政府最低最低嘅資金要求,一家人去到英國,每人只有兩萬存款好快就會用晒!一定要預備多啲資金或者即刻開始搵工喇。

關於一家幾口喺英國每月生活開支嘅統計,以及各項簽證費洗費等,可以參考返我哋以前嘅文章喇👉🏻BNO明1月開始申請 一文看清抵英後洗費要幾多?

如果驚去到英國搵唔到工,即刻了解下被動收入!蘇格蘭物業回報達8-10%以上,最低門檻只需港幣40萬,立即聯絡我哋諮詢下先喇。

家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

Share:

On Key

Related Posts

加拿大移民政策更新 將新增臨居及留學生移民通道

加拿大移民、難民和公民部 (IRCC) 部長Sean Fraser宣布,將新增一項加拿大移民政策,為臨時居留居民、留學生設立永久居留通道,預計將開放90,000個名額予必要工人同埋此前畢業嘅國際學生打開居留大門。新移民途徑未有詳情,不如即刻睇下加拿大移民政策有咩更新先!

12-18/06 本週出租紀錄

是次出租紀錄為大家介紹蘇格蘭兩房Flat,位於East Ayrshire鎮上,為當地頗受歡迎的住宅區。物業的租金回報為13.4%,李小姐對物業回報感滿意,亦十分滿意Sourcing Agent及Letting Agent提供的專業服務,單位於三個月內完成成交。

澳洲政府於移民計劃面臨挑戰 視處理延誤簽證為最優先

澳洲執政黨於月前換屆,工黨政府需面對大量移民簽證處理延誤以及勞動力極度短缺嘅挑戰,喺COVID-19依然大流行嘅情況下仍需尋找出口。澳洲內政部表示將於嚟緊數月面對澳洲移民挑戰,致力令更多人能更快移民澳洲、或脫離現時困境。