fbpx

各地移民新聞速遞—澳洲、加拿大入境政策

各國疫情反覆,唔少國家都反覆封關又放鬆,相信大家都好關心各國最新入境措施。今日就帶大家睇下設有港人救生艇政策嘅國家——澳洲同加拿大最新開放俾旅客嘅入境政策最新詳情啦!

澳洲宣布抗疫四部曲未有具體時間表    將削減海外返澳旅客人數上限

澳洲總理莫理遜(Scott Morrison)宣布一項四階段的抗疫計劃,每一階段均會喺達到一定疫苗接種率後觸發,因此暫時並未有具體時間表。莫理遜對記者表示,此四部曲係為咗結束封鎖措施及旅行禁令而制訂。

另外,澳洲當局同時亦宣布削減一半海外返澳旅客人數上限,乘坐商業航班入境嘅暫定人數限額為每星期約3,170人,預計會一直實施至少到明年,直至疫苗接種達至一定人數,先會放寬防疫措施。 即睇澳洲重回正軌四部曲:

資料來源:SBS澳洲

現時澳洲疫情仍然反覆,例如新南威爾士州(New South Wales)延長封城措施多一周,而維多利亞州(Victoria) 嘅限聚令及口罩令將會放寬。

加拿大允許已完整接種COVID-19疫苗人士免隔離

加拿大經過16個月的嚴格入境限制後,政府終於公布為已完整接種疫苗* 嘅入境人士放寬規定,容許他們可以豁免於指定酒店度過前三天,並免於14天隔離。需要留意嘅係,就算有冇接種疫苗,都必須使用ArriveCAN 應用程式或網站紀錄疫苗接種信息,及三日內嘅COVID-19 陰性測試結果。

加拿大當局指出,7月5日將實施新措施,但強調對允許入境人士嘅限制及要求並無更新,只係增加咗免隔離條件,大家就要細心留意返呢點喇。

*根據加拿大官方資料,政府接受嘅疫苗包括以下各種,出發前記得睇清楚你注射嘅疫苗喇!

Moderna COVID-19 vaccine 莫德納疫苗
Pfizer-BioNTech COVID-19 vaccine 輝瑞-復必泰疫苗
AstraZeneca/COVISHIELD COVID-19 vaccine 牛津-阿斯利康 (AZ) 疫苗
Janssen (Johnson & Johnson) COVID-19 vaccine 強生疫苗

資料來源:CBC加拿大

嚟緊我哋將會繼續關注各國入境政策嘅最新情況,持續為大家更新!

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

澳洲特設港人避風港政策或有限期 移民澳洲要盡快?

早前澳洲政府推出港人避風港政策,令持有或即將持有畢業生簽證或臨時技術簽證嘅港人可延長持有至5年,並滿足一定條件後經港人途徑(Hong Kong Pathway)申請永居,無須滿足技術要求。早前有消息指出,該政策文件將限期設於2032年,恐怕優待港人政策或將取消?

澳洲入息稅或高達45% 即刻比較香港與澳洲稅制

澳洲係最熱門嘅港人移民嘅移民地點,相信好多有決心移民嘅港人都會對澳洲稅制非常關心,了解該國如何徵稅無論做生意定打工都有個預算。澳洲稅制與香港不同,與加拿大、美國等國同屬全球徵稅。即刻睇落去即知澳洲入息稅、各種稅項點計!

01-07/05 本週出租紀錄

今期出租紀錄將為各位介紹位於位於蘇格蘭East Ayrshire(東艾爾郡)的三房Flat,物業座落於熱門住宅區。這間物業的租金回報為10.8%,由確認購買指示起至找到租客共花兩個月左右。客戶Calvin對物業回報及單位表示滿意,感謝Sourcing Agent及Letting Agent對單位的專業服務。