上集提到移民落地後必做6件事包括租屋、買電話卡、登記各項戶口如水電煤等。當然除咗呢幾件事外，都仲有其他落地準備要做，出發前做好資料搜集，去到唔使緊張又有充足準備當然最好！事不宜遲，即刻睇下集！移民落地後仲有咩事必定要快快脆做？
4️⃣銀行開戶
外國使用信用卡（Credit Card）消費非常方便，但係未有固定入息證明，初嚟埗到嘅外國人未有居民身份，銀行於審批方面會相對嚴格。但唔緊要，大家可以選擇先開銀行戶口，申請返張Debit Card，用作日常或網上購物、繳費等，更加可以為自己累積信用值，方便日後申請信用卡。
各國唔同銀行開戶口會有唔同規定及限制，睇清楚資金要求、最低存款額要求等條件，比較後揀選最適合自己嘅戶口啦！以下即刻睇下英國、澳洲、加拿大各大銀行開戶嘅比較：
| 國家 | 常用銀行 |
| 英國 | 滙豐銀行 (HSBC)、巴克萊銀行 (Barclays)、萊斯銀行 (Lloyds) |
| 加拿大 | 加拿大皇家銀行 Royal Bank of Canada (RBC)、蒙特利爾銀行 Bank of Montreal (BMO)、多倫多道明銀行 Toronto-Dominion Bank (TD)、加拿大豐業銀行 Bank of Nova Scotia (Scotiabank) |
| 澳洲 | Westpac、ANZ、CommBank、NAB |
除咗本地銀行戶口，依家開定離岸戶口走資亦得，即刻睇下有咩選擇 👉🏻 港人熱話「走資」 比較各大英國銀行開離岸戶口收費
用投資方式轉移資金亦得，即刻參考 👉🏻 走資潮再現！比較港人常用三種投資戶口
5️⃣登記醫療系統
大家都知道外國嘅醫療體系多採用預約制，因此避免自己有咩頭暈身㷫要睇醫生，最好落地後盡快喺當地醫療系統完成登記，例如英國NHS、加拿大MSP服務等，咁萬一touch wood有咩事都可以盡快得到幫助。另外，買定醫療保險都十分重要，越早買就越著數啦！
6️⃣申請車牌
外國地方大、公共交通班次較疏，冇車好唔方便。如果你本身喺香港有車牌，部分國家例如英國容許免試換車牌，而其他國家都可以用國際車牌免除部分規條換牌。
| 國家 | |
| 英國 | 抵達首年可以直接用香港車牌喺英國揸車，但買車只有極少量車險公司受保。 或出發前先向運輸署申請駕駛執照細節證明 (TD320)，抵英後向Driver and Vehicle Licensing Agency (DVLA) 申請DVLA D1表格，填妥表格及繳交費用申請後，約數星期DVLA會郵寄英國車牌俾你。 |
| 加拿大 | 無法直接轉換成加拿大車牌，只可以用香港車牌最多駕駛60日；即使用國際車牌都只可租車不能買車險。 各省嘅考牌程序不同，同樣要考筆試及路試；但如果本身持有香港車牌及2年以上駕駛經驗，可以跳過筆試及路試中間嘅等候期。 |
| 澳洲 | 持香港車牌可以喺當地各州駕駛3個月，而維多利亞州更可以持牌駕駛半年。 如果你已持有香港車牌逾12個月，並年滿25歲以上，你仲可以免試換香港車牌。值得留意嘅係，每個州都有唔同規定，建議考牌先查核清楚。 取得永居簽證後，香港車牌或國際車牌將無效，必須於3個月或6個月內換成澳洲車牌。 |
家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。
