唔少香港人隨住BNO移民熱潮投資英國物業，但係未必個個都懂得當中竅門。為免受騙，不如一齊了解下英國物業投資最常見嘅八個陷阱，了解騙子嘅手段，咪唔會咁容易誤墮陷阱，快快買到心水物業囉！
一手樓（樓花）
陷阱1️⃣ 誤買爛尾樓
隨住唔少港人用BNO移民英國，當地亦推出好多針對港人而設嘅一手apartment物業，但部分物業並未落成，可能需要承擔爛尾風險。最好就搵大型發展商，簽訂買賣合約前記得睇清楚條款限制！
陷阱2️⃣ 未必達至保證租金回報
部分一手樓銷售時會以保證租金回報招徠買家，甚至可以達至6-7厘回報。事實上，唔少發展商口中嘅包租都係搵承包商，或者發展商喺頭幾年自行補貼租金，之後係咪繼續收呢個租金就一定要睇清楚條款。
陷阱3️⃣ 一手樓溢價
一般而言一手樓比二手市場嘅物業會有兩成溢價左右，發展商新起好嘅樓對比二手樓，都會相對昂貴。買家都要預返幾年時間，放出二手市場先可以打個和走或者賺錢，咁中間嘅租金回報可以有幾多就好重要喇。
二手樓
陷阱1️⃣ 物業狀況貨不對辦
現時COVID-19疫情持續，部分時間買家買樓時只能揀線上睇盤或者由Sourcing Agent代勞，好有可能買咗與實際尺寸不符嘅物業，遇上唔可靠嘅業主/Agent，甚至會刻意隱瞞冇整修好嘅瑕疵，就有可能產生額外裝修開支，或者係未能達到理想租金。
陷阱2️⃣ Leasehold物業或產生昂貴地租
英國物業有分freehold (永久業權) 及leasehold (租賃業權) 物業，只有freehold物業先可以買埋塊地，leasehold只能購買到業權，更需要長期繳交地租，地租更是每年遞增，租金升幅未必可以補償得到。因此購買物業時，睇清楚物業業權非常重要。
陷阱3️⃣ 假冒業主虛假放盤
England & Wales 地區可透過土地註冊系統 (Land Registry) 取得業主及物業資料，有時會俾騙徒有機可乘，利用資料喺物業網站上虛假放盤騙去金錢。所以，搵可靠Sourcing Agent好重要，睇清楚物業有冇古惑位，就唔驚受騙！
陷阱4️⃣ 錯誤選擇地段
好多港人會將香港買樓嗰套帶入英國，盲目選擇市中心地段，樓價分分鐘買貴幾成，租又未必租得好貴，計返投資回報不似預期。反而識揀市中心外圍地段，同樣受當地人歡迎之餘樓價又較平，所以識搵靚地段嘅Sourcing Agent好緊要。
陷阱5️⃣ 裝修爛尾
成功買到樓、驗晒樓、收晒鎖匙都仲爭一步——裝修，大家都知裝修好容易出小漏洞或者延誤，最緊要揀間負責任及值得信賴嘅裝修公司，最好有埋相熟經紀幫你全程監測，有咩問題錯漏馬上搞返掂，咁就絕不耽誤收租進程嘅每一日喇！
講咗咁多，咁點搵認真可靠嘅Sourcing Agent？當然係搵我哋幫手啦！有興趣即刻登記免費諮詢，我哋幫到你！
家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。
