fbpx
Canada

解析加拿大ECA學歷認證失敗五大原因

如果你都係5年內認可大專課程畢業嘅港人,想經加拿大救生艇政策行港人通道移民當地,其中一步必經之路係將你嘅學歷送去相關機構進行評估認證。到底學歷認證點做?有咩步驟?如果失敗咗有咩原因?就等我哋今日為各位一一拆解!

學歷認證係咩?

全名為Educational credential assessment,簡稱ECA,由加拿大移民、難民及公民部 (IRCC) 指定,為在加拿大境外取得的學歷學位提供教育文憑的評估認證。以下5間指定學歷認證機構,價錢及處理時間不一。

加拿大官方指定學歷認證機構:

  • Comparative Education Service – University of Toronto School of Continuing Studies
  • International Credential Assessment Service of Canada (ICASC)
  • World Education Services (WES)
  • International Qualifications Assessment Service (IQAS)
  • International Credential Evaluation Service (ICES)

咁當中比較多港人選用、速度最快嘅WES,官方公佈所需時間為收齊文件後35個工作天內,價錢為CAD$220。

學歷認證未必每位申請者都要做,亦未必喺申請Open Work Permit(開放式工作簽證)當下就要申請。但係當然,準備好曬先出發就萬無一失,唔通到埗加拿大先臨急臨忙就可能失預算嘛!而且進行學歷認證有機會失敗,預先了解定、有備無患就最好喇。

依家就即刻睇下WES學歷認證有咩原因失敗,學下如何避免同樣錯誤啦!

認證失敗五大原因

  • 認證資料唔完整
    用作認證嘅學歷資料必須完整提交,例如成績表、證書等學歷資料,甚至係護照及其他文件唔齊全,又或者所載資料唔完整、缺少官方蓋印等原因,都可能引致認證失敗。
  • 學歷認受性不足
    部分申請者失敗可能源於學歷認受性不足,可能係成間院校都不獲認可,例如喺教學資源、課程質素方面唔達標,又或者單純係個別課程嘅內容認受性不足,都有機會導致申請失敗。
  • 轉移太多學分導致課程時間不足
    部分人喺入讀學位,尤其是涵接學位(Top-up Degree)時,可能因應先前學位而轉移部分學分,會使申請人比原先課程預計時間提早畢業,導致與原本所述課程時長不符,或會獲判定為唔真確學歷。
  • 認證資料虛假
    當然,如果提交嘅資料存在虛假或者偽造嘅資料,申請者嘅學歷當然冇辦法成功獲得認證,千祈唔好有僥倖心態!仲有機會違法㗎。
  • 成績過低甚至未能完成所有畢業要求
    由於WES亦接受未畢業嘅認證申請,因此如果申請人喺就讀期間取得不合格成績,甚至因故未能完成課程中部分科目,嚴重者未能順利完成所有畢業要求,或導致無法順利通過學歷認證。

咁如何避免錯誤或失敗?學術層面上嘅失誤未必可以補救,但資料完整度係個人可以控制嘅。記得認真閱讀指示,提供齊全文件俾認證機構就可以降低出錯機會。

另外再提提大家,網上不時流傳能通過學歷認證嘅學院及學位名單,但其實官方並無發佈過相關名單。

而且,即使你嘅學校及課程都名列榜上,亦有機會因個人因素被拒,因為每個申請者嘅學歷認證都作為獨立個案獲機構考慮,同一間大學同一個課程底下,唔同申請人唔同做法,都可能會導致不同嘅結果。

唔想煩?即刻登記免費諮詢,等我哋專業顧問幫下你喇!

家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

澳洲入息稅或高達45% 即刻比較香港與澳洲稅制

澳洲係最熱門嘅港人移民嘅移民地點,相信好多有決心移民嘅港人都會對澳洲稅制非常關心,了解該國如何徵稅無論做生意定打工都有個預算。澳洲稅制與香港不同,與加拿大、美國等國同屬全球徵稅。即刻睇落去即知澳洲入息稅、各種稅項點計!

01-07/05 本週出租紀錄

今期出租紀錄將為各位介紹位於位於蘇格蘭East Ayrshire(東艾爾郡)的三房Flat,物業座落於熱門住宅區。這間物業的租金回報為10.8%,由確認購買指示起至找到租客共花兩個月左右。客戶Calvin對物業回報及單位表示滿意,感謝Sourcing Agent及Letting Agent對單位的專業服務。