fbpx

Day: 十月 22, 2021

海外生活

加拿大銀行開戶指南 最抵兌換匯款方式全面睇

無論係前往加拿大移民、留學、投資海外物業,都需要開立銀行戶口、兌換加幣並匯款到當地。香港人不嬲精打細算,一定要揀最方便、快捷、便宜嘅方法又唔蝕匯率。即刻為你介紹返,無論係當地本地銀行或者離岸戶口,想開設加拿大銀行戶口或者匯款至加拿大有咩可以揀? 開設離岸戶口 如果你想開設離岸戶口走資,之前都有一篇文章關於開設英國或美國離岸戶口指南,即刻重溫👉🏻港人熱話「走資」 比較各大英國銀行開離岸戶口收費 以下睇下香港幾間常用銀行開設離岸戶口嘅戶口類型,睇下有冇你用緊嘅銀行喇: 銀行名稱 可免費開設戶口類型 匯豐銀行 卓越理財(100萬)和尚玉客戶(780萬) 星展銀行 豐盛理財客戶(100萬) 花旗銀行 Citigold和Citigold Private Client Citigold 渣打銀行 優先理財(100萬) 東亞銀行 Supreme Gold(50萬) 電匯速度快 開設離岸戶口後,大家可透過電匯轉帳資金,無論係經傳統銀行、或網上平台匯款,均有不同嘅手續費同服務。電匯(Telegraphic Transfer, T/T)是一種匯款機制,透過電報、電傳於全球各銀行進行跨境、跨行轉賬。舉例說明,銀行A向銀行B匯款,會先聯絡銀行B告知會有資金存入。當銀行B確認指示後,便會把款項存到收款人嘅戶口。 每間銀行都會有TT電匯服務,但係因應金額、貨幣等或會有唔同金額嘅手續費,會直接喺你轉賬嘅金額度扣除,轉之前記得問清楚。另外電匯需時約1-5個工作天,部分銀行會設有截數時間,而有少量銀行例如中國銀行則不設有電匯截數日。