英國物業投資資訊多到泛濫，可能你仲熟過我！但係就算你熟晒所有買賣物業流程、熟悉細節到睇埋一格階磚，你識唔識睇邊個地區投資回報最好？又識唔識睇邊個地區最有前景？知唔知點解蘇格蘭物業投資值得投資？即睇五大原因你就識揀！
投資物業最緊要睇投資回報、升值潛力等，可能係一般入門級投資者未必睇得通透嘅部分，不如即刻睇下數據分析，了解蘇格蘭物業值得投資嘅原因。
1. 過去10年蘇格蘭租金回報持續上升
由2007年起，蘇格蘭各大地區嘅平均月租一直平穩上升，對於要求穩定每月租金回報嘅投資者嚟講非常重要，最緊要升幅可以貼緊通漲，咁你嘅投資先有意義。由Citylets.co.uk嘅圖表顯示，可預見未來上升趨勢將持續。
除此之外，espc調查亦指出蘇格蘭租金增長持續，尤其是格拉斯哥（Glasgow）本季度增長為10.3%，第二季度年增長亦有8.9%。
2. 住屋需求高容易出租
過去一年幾以來，由於COVID-19大流行更多人在家工作，加上蘇格蘭本地居民對出租單位嘅需求一直存在，令需求持續上升。由下圖可以睇到，近半年嚟嘅平均出租日數（Time-to-let）持續下跌，平均唔夠20日即可租出。
投資物業最緊要容易租出，咁先可以唔浪費時間，並且倍大租金回報。咁揀出租需求高嘅地段，就會令你嘅投資路更順利，最大化你嘅投資回報。
3. 區份有持續升值潛力
蘇格蘭各地區，特別是大格拉斯哥地區（Greater Glasgow）嘅房屋需求持續上升，根據Citylets最新報告顯示，蘇格蘭租賃市場第三季度表現強勁，唔少租戶搶購房產，本季度庫存水平下降了 65%，年增長率超過 10%；
睇返現有數據推測，未來格拉斯哥嘅房屋租金，亦會繼續因供不應求及在家工作需求增加而推高，估計將來蘇格蘭房屋需求將會繼續高企，平均房價及租金仍有上升空間。趁依家市場仍未熾熱得過分，入市買入定等投資回報就差唔多喇！
4. 英格蘭市場飽和 更多投資者轉向北上投資
如果有留意開英國物業投資市場嘅投資者，都會知道唔少香港投資者已經由倫敦、曼徹斯特（Manchester）繼續移至英格蘭較冷門地區，例如利物浦（Liverpool）、伯明翰（Birmingham）等地，務求求到較低嘅樓價及更高嘅投資回報。
只要有慧眼，其實向北部等地發展，例如蘇格蘭嘅格拉斯哥都可以有更靚嘅投資回報，房價更低至只需港幣60萬都可以買到一層物業，回報高達8%！
5. 出價程序比英格蘭更容易交易成功
England同Scotland出價程序及法例大不同，相較之下蘇格蘭會較容易成功交易。
喺England & Wales買樓，即使買賣雙方已經口頭確認offer同成交價，但係口頭承諾並無法律約束力，喺正式俾齊全款前都未算完成交易。因此確立offer後賣家仍可以抬價、買家亦可以選擇放棄樓盤，甚至單方面取消交易。
至於喺Scotland購買物業，買賣雙方必須達成共識並且發出一份offer予對方嘅代表律師，列明出價以及所有條件（稱為missives），正式形成合約。如果買家喺同意missives之後退出交易，將需要支付賣家嘅損失；而同樣地，賣家亦唔可以再抬價或者選擇賣俾其他買家。
所以相比之下，喺蘇格蘭購買物業較少抬價情況、又或者係因賣家未確定出價故交易需時極長，較易買到物業更快租出，都會慳返唔少時間，更可以盡早開始收租！
更多關於英國物業的文章：英格蘭即將調整物業印花稅 一文睇清英格蘭、蘇格蘭最新物業稅率
