fbpx

一文帶你看清出發移民前有咩基本準備

港人移民潮仍持續,分析比較移民邊度好都睇得多,今次純粹同大家分享下遠走他鄉有咩大大小小嘅準備工夫,希望大家可以喺離開前盡量做好萬全準備,喺遠洋以外展開新生活會相對容易。即刻由衣食住行各方入手,睇下移民應該做咩準備喇!

疫情檢疫措施——疫苗、隔離

COVID-19疫情持續,各國對入境者都有唔同入境限制及檢疫措施,大部分國家都要求入境者打齊針,更加要查下當地接受咩疫苗、隔離日數或者免隔離條件係咩,以免被拒入境。以下係熱門移民國家針對疫情嘅入境檢疫措施供參考:

國家檢疫措施
澳洲·         入境14日或之前完成接種澳洲藥物管理局 (TGA) 認可之疫苗
·         出發前72小時內PCR檢測陰性證明
·         航班起飛前72小時完成澳洲旅遊申報表
·         隔離時間視乎各州規定,詳見澳洲網站
加拿大·         入境14日或之前完成接種加拿大政府認可之疫苗
英國·         入境前完成接種英國政府認可之疫苗
·         出發前48小時內PCR檢測陰性證明
·         前往英國政府網站睇檢疫措施

部分國家可以容許入境者打齊針後免隔離,否則就要預先預約隔離酒店。建議各位正式出發前,就個人情況先諮詢一下目的地嘅入境部門,如果冇預算好隔離措施就飛,有可能入唔到境㗎。

處理資產

正式離港在即,所有實體或非實體資產都要變型運去外國,例如係你自住嘅物業、銀行存款、或者係其他投資等。

有樓嘅放盤賣樓、有錢嘅就唱定當地貨幣轉帳到外地銀行戶口;甚至其他投資資產喺衡量過後都可以賣得就賣,易於管理嘛。至於大家都好關注嘅強積金當然要拎走啦,拎唔拎到就睇功力同公司喇。

開設當地銀行戶口

啱先講完轉錢去移民目的地,當然就要開定當地嘅銀行戶口啦。無論你嘅考量係穩陣定係高息高回報,相信唔同銀行或金融機構嘅計劃都可以幫到你。

唔少港人早喺去年就開始「走資」,可以透過本地銀行嘅海外業務開設離岸戶口外,都可以揀線上開虛擬銀行戶口、又甚至係用證券戶口收息都得。想知更多相關資訊,即刻重溫下我哋之前嘅文章,教你點樣轉移資產 👉🏻 走資潮再現!比較港人常用三種投資戶口

準備租屋或酒店

移民前必定已經揀好目的地,但疫情下租樓未有得實地睇樓先,有部分人會選擇到埗初步settle好先再租樓,先租住airbnb或者酒店,再慢慢揀定位置,決定到底租樓定買樓。

如果決定好地方之後,記得處理好埋轉戶、轉名,搞埋地稅、電費、水費戶口等。

處理保險相關事宜

外國地大物博,有車方便得多。即使你有香港車牌或國際車牌,都要留意返當地接納嘅車牌種類,準備定相關文件,如過往汽車保險資料及無賠償証明書正本買定車保。

如果有需要嘅話,個人醫療保險、甚至係房屋保險都記得要買!而本身喺香港買落嘅保險點算?去到外地保障有機會打折扣,離開前最好問下你嘅保險代理點處理最好。

取消香港非必要服務

正式移民同香港暫別或永別,住咗咁耐相信都有唔少服務計劃要Cut,例如係cut極都cut唔到嘅有線、電話上台服務等等等等。咁香港電話號碼仲使唔使留?銀行戶口呢?咁就視乎個人需要而定喇。

運走家當

移民順便學埋斷捨離喇!移民唔同搬屋,將所有雜物都搬去外國蹝錢又蹝時間,一啲唔太重要嘅雜物就唔好帶過去,只帶核心行李同一啲必備衣物,其他唔太重要嘅嘢就留返俾有需要嘅人喇。

最後,移民最緊要就係準備好你嘅心態,依家唔係走難、亦唔係逃避啲咩,離開香港開展新生活,放低身段重新開始所有,加油!

家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

Share:

On Key

Related Posts

加拿大移民政策更新 將新增臨居及留學生移民通道

加拿大移民、難民和公民部 (IRCC) 部長Sean Fraser宣布,將新增一項加拿大移民政策,為臨時居留居民、留學生設立永久居留通道,預計將開放90,000個名額予必要工人同埋此前畢業嘅國際學生打開居留大門。新移民途徑未有詳情,不如即刻睇下加拿大移民政策有咩更新先!

12-18/06 本週出租紀錄

是次出租紀錄為大家介紹蘇格蘭兩房Flat,位於East Ayrshire鎮上,為當地頗受歡迎的住宅區。物業的租金回報為13.4%,李小姐對物業回報感滿意,亦十分滿意Sourcing Agent及Letting Agent提供的專業服務,單位於三個月內完成成交。

澳洲政府於移民計劃面臨挑戰 視處理延誤簽證為最優先

澳洲執政黨於月前換屆,工黨政府需面對大量移民簽證處理延誤以及勞動力極度短缺嘅挑戰,喺COVID-19依然大流行嘅情況下仍需尋找出口。澳洲內政部表示將於嚟緊數月面對澳洲移民挑戰,致力令更多人能更快移民澳洲、或脫離現時困境。