加拿大邊三大城市最能留住新移民？加拿大最宜居城市又有邊個？

加拿大現已成為港人最愛熱門移民地點，但移民去邊個城市都有好多因素要考慮。縱向移民數據庫剛針對移民報稅者，推出2020年嘅數據，指出新移民最喜愛居住嘅城市為溫哥華、多倫多、及愛民頓（Edmonton）。咁實際上邊個城市最宜居呢？

根據加拿大統計局IMDB （Longitudinal Immigration Database）發表對2020年移民報稅者嘅統計報告顯示，2014年落地加拿大嘅新移民最喜愛居住嘅城市為溫哥華、多倫多、及愛民頓（Edmonton），都係加拿大經濟發展相對理想嘅大城市。

新移民鍾意喺大城市定居，由2014年落地加拿大嘅移民數據顯示，亦有唔少人移民5年後繼續留喺最初到埗嘅省份，而最多人到埗後留居嘅亦係安省。

新移民嘅留居率受移民類別或永居前嘅簽證類別影響，由報告中可以睇到，唔同嘅移民類別都有唔同留居率，當中又以家庭團聚移民留居率最高，睇嚟移民揀好地方落腳後通常都唔會經常搬屋：

除咗以上因素外，移民嘅工作經驗多寡、就業呢兩個因素都會影響佢哋繼唔繼續留返喺原有省份生活。有工作經驗嘅難民、以及有工作加學習經驗嘅新移民傾向留喺初起步嘅省份生活，留居率分別為93%及81%；而於取得永居資格前只有工簽以及持學簽嘅新移民，搬遷至其他省份嘅機率則較高，留居率分別有90%、79%。

睇完統計數據，根據數據網站NUMBEO嘅客觀數字分析下，到底呢幾個加拿大城市中係咪最宜居呢？

由各種指數綜合而成嘅數據指出，加拿大最宜居嘅城市為BC省嘅維多利亞（Victoria），而留居率最高嘅幾個城市分別排名於5、6、10名，不過綜合而言仍有唔錯嘅生活質素。

加拿大政府亦會因應新移民嘅留居率制訂相關政策，例如鼓勵移民前往留居率較低嘅省份、又或者係以獎勵鼓勵新移民留低。

家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。