澳洲重新開放國際邊境 一文睇清開關後旅遊安排

澳洲日前宣布將於本月21日重開邊境。該國內政部長宣布消息時，表示措施是「保護澳洲人嘅健康，同時致力於經濟復甦」。澳洲放寬對外國人嘅旅遊限制，不再需要申請旅行豁免，只需接種合資格疫苗或出示因醫療原因無法接種疫苗嘅醫學證明。

由2020年3月封關開始，澳洲終於首次容許遊客、商務旅客同埋其他旅行人士進入澳洲。而總理莫里遜（Scott Morrison）表示，內閣已決定就逐步重新開放邊界採取下一步措施，並致力令澳洲嘅狀態重回正軌，為經濟復甦作最大努力。

入境澳洲有咩要求？

計劃於2 月21日後前往澳洲嘅人無須申請旅行豁免，但必須出示合資格嘅疫苗接種紀錄、或者係證明唔適合接種疫苗嘅醫療證明。

根據澳洲內政部網站指引，完全接種疫苗（已獲澳洲藥物管理局(TGA) 批准或認可）指：

如果你因為醫療原因不適合接種疫苗，亦為澳洲視作與完全接種疫苗嘅人同等嘅旅行待遇。當你前往澳洲時，必須出示英文嘅醫療證明，包括姓名、醫療諮詢日期、詳細身體狀況等資料。

另外，12歲以下嘅兒童前往澳洲時，即使冇接種疫苗，亦會被視作已完全接種疫苗；而12至17歲嘅兒童，已接種部分疫苗或冇接種疫苗，仍獲安排與一名完全接種疫苗的成人，可一同往某啲州及地區。

所有州份都有同樣檢疫要求？

澳洲由本月21日起免檢疫隔離，但個別州份及領地仍然可以有地區性要求，包括隔離、檢測要求甚至拒絕入境。

當然，大多數州份嘅要求與政府一致，容許海外旅客免隔離，除咗西澳仍維持隔離兩周嘅要求。

如果你都打算即將出發澳洲，咁就記得隨時緊貼當局嘅防疫政策、又或者隨時留意我哋網站喇！

家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。