fbpx

英國放寬BNO簽證申請資格 97後出生港人可單獨申請

英國內政部(Home Office)於去年初開放BNO簽證申請,截止2021年年底已有逾十萬申請。而內政部昨日(24日)宣布進一步放寬措施予港人申請簽證,容許年滿18歲、父母其中一方持有BNO身份嘅港青年可獨立申請簽證。

舊政策中,港人必須以家庭為單位申請BNO簽證,英國內政部更建議出發時應以家庭單位同時入境。昨日內政部則宣布放寬BNO簽證申請資格,向年滿18歲、父或母其中一方擁有BNO身份嘅青年單獨申請簽證,即使青年本人未有BNO身份,亦可以獨立申請BNO簽證並到英國居留。

呢個措施將於10月生效,政策更新可令更多青年無須顧慮雙親意願,即使雙親無意移居英國自己都可以申請簽證出發。英國呢次嘅放寬主要希望吸納18歲以上嘅港人,預計18-24歲嘅青年最受惠。

今次嘅政策更新都可能會造就太空人家庭出現。唔少香港父母希望先將子女送去英國讀書,自己則繼續留喺香港搵錢,直到賺夠錢再赴英享受退休生活,今次嘅政策更新正正令佢哋可將成年子女先送去英國讀大學。當然,到時候個別申請嘅居住年期都即將分開計算,以到埗日期為準。

BNO申請概況

根據英國內政部昨日(24日)發表嘅數據顯示,2021年全年共收到103,900份BNO簽證嘅申請,當中共有93%申請已獲批。2021年第四季嘅申請共有15,600宗,當中9,300宗為主申請人個案、6,300宗則為受養人。

內政部另指去年第四季共拒絕80宗簽證申請,為首批BNO拒簽個案,則未有透露拒簽原因。

正如英國政府預期,大部分批出嘅BNO簽證為BNO護照及/或特區護照持有人(66%);而受養人中持有BNO護照及/或特區護照則佔74%,72%持中國護照。

另外,透過過渡性准許簽證Leave Outside The Rules(LOTR)入境嘅港人,喺2021年錄得8,350BNO護照及/或特區護照持有人。值得留意嘅係依家已經唔可以透過LOTR方式入境英國,必須申請BNO Visa入境。

仲想了解更多BNO移民嘅最新資訊,記得緊貼我哋網站喇!

家譽於2008年於香港成立,為具有豐富經驗及優良信譽的顧問公司,提供移民、留學、海外物業投資服務。我們團隊結合律師、會計師、法律公證等數十位專業服務人員,致力為客戶提供專業服務、詳細及客觀的分析,用心、細心地為你度身訂造方案。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

15-21/05 本週出租紀錄

今期出租紀錄為大家介紹蘇格蘭Inverclyde(因弗克萊德)的兩房Flat,屬蘇格蘭熱門住宅區之一。這間物業的租金回報為15%,客戶潘先生對物業回報感到十分滿意,亦滿足Sourcing Agent及Letting Agent的專業服務,而物業交易終用約兩個多月完成。

澳洲特設港人避風港政策或有限期 移民澳洲要盡快?

早前澳洲政府推出港人避風港政策,令持有或即將持有畢業生簽證或臨時技術簽證嘅港人可延長持有至5年,並滿足一定條件後經港人途徑(Hong Kong Pathway)申請永居,無須滿足技術要求。早前有消息指出,該政策文件將限期設於2032年,恐怕優待港人政策或將取消?

澳洲入息稅或高達45% 即刻比較香港與澳洲稅制

澳洲係最熱門嘅港人移民嘅移民地點,相信好多有決心移民嘅港人都會對澳洲稅制非常關心,了解該國如何徵稅無論做生意定打工都有個預算。澳洲稅制與香港不同,與加拿大、美國等國同屬全球徵稅。即刻睇落去即知澳洲入息稅、各種稅項點計!