移民去一個新地方，settle down有好多嘢做，搵工更係重中之重。剛剛到埗，對外地風土人情未熟悉，喺外國搵工未有好明確嘅概念，即刻等我哋傳授你喺外地搵工攻略，應如何準備！當然仲有大熱搵工網站，教你一步即成功搵工。
其實無論喺香港又好、去到外國都好，搵工時做足所有準備都係十分重要，咁先可以俾HR見到你嘅誠意同能力，更容易得到面試機會，甚至係工作機會。
首先，一定要準備好所有求職用嘅文件，包括但不限於以下各種：
- 個人履歷 CV (Curriculum Vitae) / Resume
- 自我推薦信 / 求職信 Cover Letter
- 過往學歷嘅畢業證書、成績表、及Grading System（如有）
- 專業資格證書
- 英語考試證書及成績表
- 及其他你認為有助於強調工作能力嘅證明
個人履歷 CV (Curriculum Vitae) / Resume
最直觀地俾HR / 面試官嘅第一印象，一定要認真整理。將你嘅工作經驗、能力及成就等簡潔易明地寫成一份簡歷，如果寫得好就較容易拎到面試機會啦。
有好多人都會問到底需唔需要附上相片？其實視乎你面試嘅工種及個別僱主立場而定。以我哋意見睇，如果你覺得加張相可以令你嘅CV加分咁就加啦！
自我推薦信 / 求職信 Cover Letter
喺香港求職未必會要求你寫Cover Letter，但去到外國就唔同，佢哋會相對重視呢塊敲門磚。Cover Letter寫得好，佢哋或者就會撳開你嘅CV認真睇。
Cover Letter要點寫？都係嗰句，要簡而精，著重於你與其他人唔同嘅地方，你嘅能力，點解呢間公司應該請你？網上有好多範例，靠大家自己執筆喇！
過往學歷嘅所有資料
除咗大專或以上學歷嘅證書外，如果有嘅話都可以帶埋中學嘅畢業證書同成績表，分分鐘能派上用場㗎。
間間學校嘅評分準則唔同，如果有Grading system/criteria就最方便HR啦，更可以展示你具組織能力嘅一面𠻹！
專業資格、英語考試及其他有利於求職嘅資料
呢啲資料相信都唔使贅述，尤其是當你求職嘅範疇需要某啲專業資格嘅話，就更加需要帶齊所有重要證書喇；至於英語考試成績例如IELTS、CLB等都係好有用嘅證明，證明你有一定英語能力應付工作㗎。當然如果考得麻麻地就唔好放喇。
第二步，準備好你嘅推薦信reference letter，聯絡定2-3個推薦人referee。
喺之前嘅公司離職時，多數都會有封reference letter寫明你任職嘅工作職位、年期等資料，部分人可能會得到僱主美言幾句，無論如何都要好好保存返，作之後求職之用。
咁如果之前僱主冇發出過呢啲信，或者不幸遺失咁點算呢？都唔使驚，你可以聯絡定舊公司嘅上司或HR，到時真係搵到工入職時都可以叫佢哋幫手做reference check。
第三步，準備好個人介紹。
除咗CV同Cover Letter之外，你嘅自我介紹都非常重要，建立起HR對你嘅第一印象。
簡而精，講出自己嘅優點，夠自信，就幫你加唔少分喇。
第四步，準備好LinkedIn個人檔案。
香港相對比較少HR會喺LinkedIn上挖角，但外國就相對較多呢啲例子喇！將自己嘅LinkedIn執得好，有可能吸引到HR/獵頭公司邀請見面！
有麝自然香，只要你嘅工作經驗足夠出色，呢個都不失為一個有效嘅求職方法。
咁最後，正式開始求職，當然係要根據你嘅需求同埋職業範疇搵啱求職網，瀏覽返最適合你嘅工作資訊！
想知有咩求職網最適合你，記得留意我哋下期更新！
家譽於2008年於香港成立，為具有豐富經驗及優良信譽的顧問公司，提供移民、留學、海外物業投資服務。我們團隊結合律師、會計師、法律公證等數十位專業服務人員，致力為客戶提供專業服務、詳細及客觀的分析，用心、細心地為你度身訂造方案。
