搵工攻略第二彈嚴選最熱門求職網助你一步成功

上星期推出咗外國求職必勝攻略，為大家提供一啲外地搵工小貼士，做好晒CV、求職信等必要搵工準備後，當然要喺適合嘅求職網上面揀Job posting，咁就更容易事半功倍啦！今日即刻為大家介紹熱門移民國：英國、澳洲及加拿大最熱門嘅求職網，助你快速搵工！

0316 Immigration job seeking websites Decor 1 Job seeking — 搵工攻略第二彈嚴選最熱門求職網助你一步成功 3

重溫返上星期嘅求職攻略，即睇👉🏻 移民外地搵工有咩要準備？教你2022年移民搵工必備攻略

移居或移民各國，求職前最緊要了解返各省、各地區嘅工作法例及法規，包括最低工資、工時分佈、甚至係工作資格係咪符合當地法例要求，並確保所求職嘅工作符合法例，確保自己嘅權益！

除此之外，移居他國有人會選擇轉行重頭開始，所從事嘅範疇唔同咗，分分鐘需要瀏覽嘅求職或招聘網站都唔同㗎。依家都係唔講咁多，即刻了解下各熱門移民大國嘅熱門求職網先，大家可以按需要瀏覽～

加拿大

網站	簡介	特色
Job Bank	加拿大政府嘅求職網站，具網頁版或手機應用程式途徑瀏覽。Job Bank每個月提供65,000個招聘廣告，約有200,000間企業投放廣告。	求職者可比較不同行業和地區的工資差異，亦提供就業市場新聞及相關報告，可供跟蹤當地最新嘅就業趨勢。
Indeed	為2020年全球排名第一的招聘網站，聲稱每秒增加10個招聘廣告。	Indeed嘅搜尋功能完善，供求職者用不同關鍵字進行搜索，包括不同行業、不同工作模式等，亦可按地理位置搜尋工作。
Glassdoor	於2008年推出嘅求職網站，收集咗全球共170萬間企業資料。	Glassdoor最大優點為該網站收集咗由各公司員工嘅第一手資料，包括薪酬資料，公司福利，面試資料等，求職者可對該工作職位有更全面嘅了解。
Workopolis	加拿大常用嘅求職網，提供過萬份來自加拿大各地的職位空缺，設英語及法語供求職者選擇。	Workopolis設有多元化功能助求職者搵工，例如設有每周新工作提醒功能。
Eluta	由選出「加拿大頭100強企業」（Canada’s Top 100 Employers）機構管理，職位空缺較其他求職網站多。	Eluta亦提供職位空缺中相關企業的評論資料，令求職者可以對企業有更深入嘅了解。

英國

網站	簡介	特色
Find a Job	英國政府嘅求職網站，提供多個不同行業嘅職位，包括唔少公營機構、慈善機構及大企業刊登嘅求職廣告。	求職者可於網站上載三份不同版本嘅CV，在申請職位時選擇最合適的CV來遞交申請
Indeed	英國大型求職網站之一，包括唔少大型企業都會投放招聘廣告，更有唔同行業嘅廣告。	Indeed具全面嘅搜索功能，可讓求職者輕鬆地對按工作分類及工作地區進行搜索。
Monster	英國大型招聘網站之一，提供大量職位空缺，更可搵到跨國職位空缺。	Monster具有廣泛的職業建議資源和工具，可選用網頁版或手機應用程式版本搵工。
Glassdoor	全面嘅求職網站及招聘平台，提供多達9,000,000個招聘廣告。	Glassdoor最大優點為該網站收集咗由各公司員工嘅第一手資料，包括薪酬資料，公司福利，面試資料等，求職者可對該工作職位有更全面嘅了解。
TOTALJOBS	提供100,000個以上嘅實時英國職位廣告，超過8,000間英國公司喺平台上刊登廣告。	Totaljobs有「一鍵申請」功能，求職者可將簡歷及求職信上傳到網站，一鍵申請職位。另外Totaljobs亦提供關於面試及求職嘅文章，更有搜索職業發展課程的功能。
Guardian Jobs	由英國《衛報》成立的求職網站，提供較專門行業（more sector-specific job）嘅職位空缺，適合個別行業嘅職業人士。	專業行業包括媒體、教育、NHS、政府、研究生、秘書、慈善、市場、社會機構及藝術領域等高素質職位空缺。

澳洲

網站	簡介	特色
Job search	澳洲政府官方嘅求職網站，求職者可透過地區、行業搜尋等分類尋找適合嘅職位空缺。	具有大量職場資訊及求職貼士予求職者，有文章及短片教導求職者面試及調整心態面對職場等問題。
Indeed	全球性求職網站同樣喺澳洲設立業務，亦係大型求職網站之一。	除求職廣告外，求職者亦可喺Indeed上查看唔同公司嘅評論，包括該企業工作環境、薪酬待遇及各行業平均薪酬等數據。
Seek	澳洲熱門求職網站之一，提供各行各業嘅職位空缺。	Seek提供各行業平均薪酬資訊，以及各公司員工對任職公司嘅反饋意見，可供求職者參考各企業嘅薪酬待遇。
Adzuna	澳洲熱門求職網站之一，提供超過50,000份職位空缺，共有網頁版及手機應用程式可供選擇。	求職者於Adzuna搜索職位空缺時，可篩選最熱門工作地點、工種等找尋市場最熱門工作。