fbpx

港人移民台灣審批趨嚴 2022年首兩月獲批數字下跌逾兩成

台灣曾為唔少港人移民地嘅首選,貪其地理位置近,而且語言文化相近。不過根據台灣移民署最近公布今年年初嘅兩個月移民數字顯示,獲居留許可及定居許可嘅港人比去年同期暴跌25%,顯示台灣當局對港人移民個案嘅審批漸趨嚴格,想以拖延方式令港人知難而退。

台灣移民署於日前公布嘅最新統計數字,指出今年一至二月獲居留及定居許可人數共有1,485人,比去年同期獲批共1,980人減少咗25%,比去年每月創新高嘅數字形成強烈對比。

當地移民顧問認為,成功獲批人數減少正顯示台灣當局逐漸收緊對港人移民申請嘅審批,港人獲居留許可來台一年後,未必能順利取得身份證;而以投資移民為例,內地出生港人要獲定居許可更是困難重重。

另外,台灣當局對專業移民申請亦漸收緊,審批過程較長,拒絕原因亦五花八門;連以往最容易申請嘅依親移民,當局都增加審查條件,重點審核申請人嘅政治背景、專業技能、維生能力等,相比以前難度增加不少。

移民台灣比起以前困難不少,有唔少有意願移民嘅港人都轉而選擇門檻極低嘅加拿大。

港人移民潮持續

根據統計局同入境處數據,香港人口於2019年底淨流出1.01萬人,2020年底有9.64萬人,2021年底臨時數字為2.73萬人,合計達13.38萬人。而據入境處於3月初嘅統計數字顯示,單日創離境人數新高,共有5,082人離境,相信當中大部分人為離港移民、另有為疫情及政策離開嘅專才。

近年最受港人歡迎嘅移民地為英國,單論2021年共有96,000宗BNO簽證申請獲批;加拿大於年前推出救生艇港人政策,截止2021年9月為止,共收到共9,110宗香港通道(Hong Kong Pathway)嘅申請,另有14,500宗港人工作及學生簽證申請。

另外,香港民意研究所最新調查發現,計劃永久離港嘅受訪者,較上年8月嘅調查有所上升,計劃移民嘅受訪者更上升至24%。調查顯示近六成受訪者對香港嘅政治環境及未來享有嘅個人自由無信心,分析結果認為港人移民主要受政治因素推力影響。

移民潮仍持續,有意移民離港嘅港人或須慎選地點,先可以安穩度過移民嘅陣痛期,喺新地方開展新生活,安居樂業。

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

15-21/05 本週出租紀錄

今期出租紀錄為大家介紹蘇格蘭Inverclyde(因弗克萊德)的兩房Flat,屬蘇格蘭熱門住宅區之一。這間物業的租金回報為15%,客戶潘先生對物業回報感到十分滿意,亦滿足Sourcing Agent及Letting Agent的專業服務,而物業交易終用約兩個多月完成。

澳洲特設港人避風港政策或有限期 移民澳洲要盡快?

早前澳洲政府推出港人避風港政策,令持有或即將持有畢業生簽證或臨時技術簽證嘅港人可延長持有至5年,並滿足一定條件後經港人途徑(Hong Kong Pathway)申請永居,無須滿足技術要求。早前有消息指出,該政策文件將限期設於2032年,恐怕優待港人政策或將取消?

澳洲入息稅或高達45% 即刻比較香港與澳洲稅制

澳洲係最熱門嘅港人移民嘅移民地點,相信好多有決心移民嘅港人都會對澳洲稅制非常關心,了解該國如何徵稅無論做生意定打工都有個預算。澳洲稅制與香港不同,與加拿大、美國等國同屬全球徵稅。即刻睇落去即知澳洲入息稅、各種稅項點計!