暫停多時嘅加拿大聯邦技術工人計劃（FSWP）、加拿大經驗類移民（CEC）嘅快速通道Express Entry抽籤將於今年7月重啟邀請。稱為傳統移民中最穩陣嘅代表、以及加拿大主要技術勞動力來源之一嘅移民，作為有移民意向嘅港人要做咩部署為今次重開做好準備？
加拿大移民、難民和公民部 (IRCC) 部長Ahmed Hussen於上月底宣布Express Entry邀請將重開，過去因為疫情而積壓唔少FSWP及CEC移民申請，直接導致過去大半年都需暫停抽籤以清理積壓嘅申請。
部長又稱，加拿大隨住經濟增長速度超過雇主僱用新工人的速度，於是加拿大政府決定重開Express Entry，為急速增長嘅技術人才需求補充勞動力。
點解要盡早進入EE邀請池？
雖然現時離7月仍有接近兩個月，不過如果你有意通過Express Entry快速通道方式移民加拿大，越早遞交你嘅申請進入邀請池越好。主要原因如下：
- 準備及提交EE檔案需要時間
例如係旅行證件、英語測試成績及學歷證書等，都需要預早準備。
越早開始準備及收集文件，就越早進入EE池等待邀請，越早有機會獲抽。依家準備好所有資料後，可能可以喺恢復抽籤時就收到申請PR嘅邀請。
- 利用平局規則（tie-breaking rule）
Express Entry 綜合排名系統 (CRS)會按申請人嘅年齡、教育程度、語言等一系列因素獲評分。
如果你與其他申請人同分，咁先入池就會更有可能更早獲抽，盡情利用時間優勢，隨時賺返一頭幾個月㗎！
- 利用PNP嘅好處
以省提名計劃進入EE候選池嘅話，可以獲得雙重好處——可直接為你嘅CRS分數加600分，大大增加獲抽機會。
加拿大暫停Express Entry抽籤多時，依家終於重開，加上疫情後重新對外開關，相信將有大量移民加入戰場，預計將有大量人希望移民加拿大。建議大家如果有意經Express Entry移民加拿大，記得盡快填好資料入pool，隨時準備好等抽啦！
仲想了解更多資訊，即刻登記免費諮詢由專人覆返你～
