加拿大移民-港人救生艇政策Stream B即將於明年2月截止，想行加拿大移民新政策嘅朋友記得留意日期趕上尾班車。港人移民新政策主要分留學或者工作，到底有意移民加拿大嘅港人應該如何部署選擇Stream A或Stream B？不如即刻睇下有咩考慮因素。
加拿大救生艇移民政策有咩分別？
Stream A : In-Canada graduates 加拿大畢業生
Stream A : In-Canada graduates 加拿大畢業生
過去3年內完成加拿大認可嘅高等教育機構所提供（實體或線上）嘅課程，並必須完成至少一半學習計劃。
申請條件
- 在加拿大政府認可院校畢業（Designated Learning Institution）
- 申請永居時過往三年内畢業
- 學歷必須符合以下一種：
- Diploma 文憑 （至少2年）
- Degree 學位（學士/碩士/博士）
- Graduate/Post-graduate diploma/certificate 研究生文憑/證書 （至少1年）
申請截止日期：2026年8月31日
Stream B: Canadian Work Experience 加拿大工作經驗者
- 申請永居時，過往五年内在加拿大政府認可院校畢業並獲得
- Diploma 文憑 （至少2年）
- Degree 學位（學士/碩士/博士）
- Graduate/Post-graduate diploma/certificate 研究生文憑/證書 （至少1年）
必須在課程開始前5年内持有學士或文憑資歷
- 或在海外完成以上其中一項相等與加拿大的學歷（或需額外通過指定第三方認證機構的學歷認證(ECA)）
除滿足以上申請要求外，仲要滿足以下工作要求：
- 在遞交申請前三年内在加拿大全職工作12個月或同等工時的兼職（至少1560小時）
- 必須持有有效簽證入境加拿大工作，工作時數才能被計算
- *自僱人士/學生簽證持有者/境外工作/失業人士均無法計算
申請截止日期：2023年2月7日
基本上Stream A、Stream B政策最大分別就係分別須前往加拿大留學或工作，並且申請或獲得PR（永久居留身份）嘅時間點、截止日期唔同。
選擇加拿大Stream A或Stream B移民需要考慮咩因素？
年齡限制
雖然港人救生艇無明言年齡限制，但為吸納人才移民加拿大，IRCC當然選擇年輕人才為先，相對較年長者年青人批核得更快、拒簽機會更低。如果你打算留學加拿大行Stream A移民，學生簽證批核超過30歲都已經相對較難，就可能要考慮Stream B。
語言及過往成績要求
行留學路徑移民加拿大，報讀學校時需提供學術類英語成績，較移民最基本要求需提交嘅成績（一般為CLB 5或以上）更高。另外，就讀加拿大課程時亦需全程以英語進行學業，如果自問英語水平較低嘅話，可能就要睇下適唔適合行Stream A。
報讀加拿大課程除咗英語成績外，亦要提交學術成績供學校評核。之前嘅學歷成績如果未如理想，可能就難以搵到心儀學校或學科，或要花較多時間篩選學校。
加拿大移民預算
行救生艇Stream A移民加拿大先要付出學費，並且喺加拿大留學嘅一年（或以上）亦要付生活費，比起Stream B落地即工作來得要付出更多費用，預算更須充裕。
仲想了解下自己到底適唔適合行加拿大Stream A留學路徑，都可以參考下我哋之前嘅文章了解更多 👉🏻 幫你評核你適唔適合留學加拿大 加拿大留學攻略全面睇2022
當然，每個人對揀邊種政策都有唔同嘅考慮因素，最好都係根據自己嘅能力作考慮。不過加拿大救生艇政策為港人設計，移民申請條件相對寬鬆，港人要移民加拿大會相較其他傳統方式容易。如果想赴加拿大移民，不妨考慮下港人救生艇政策！
想了解如何透過加拿大救生艇政策移民，即刻登記免費諮詢與專業顧問聯絡！
