各種英國物業房屋類型 邊種最值得投資?

英國房屋類型有好多種,買樓自住與投資與否,都應該要好好認識每一種唔同嘅物業房屋類型,從而再揀出最適合投資嘅英國物業類型,喺投資上就更加事半功倍。Detached House、terraced house可能你都會聽過,到底邊種英國物業類型先係最適合投資?

英國各種物業類型

英國物業分為以下幾種常見類型:

  • Detached House 獨立式別墅或房屋
  • Semi-Detached House 半獨立式房屋
  • Flats / Apartments 公寓/樓房
  • Terraced House排屋
  • Bungalow 帶走廊的平房
  • Cottages 鄉村屋/鄉村別墅
  • Council House 政府福利救濟房

Detached House 獨立式別墅或房屋

顧名思義,Detached House即獨立屋,主體上冇任何結構與另一間屋相連,通常包埋前花園或後花園,外型及結構上與香港常見嘅獨立屋/村屋相似。比起其他房屋類型,通常會有更高私隱度,極受英國家庭住戶歡迎。一般而言Detached House嘅單價較高,回報則未有特別突出,與其他類型比較下相對投資價值較低,大眾多數都認為係自住嘅理想家園。

  • 優點:私隱高、空間寬敞
  • 缺點:房價較高,未必適合投資

Detached House 01 1
各種英國物業房屋類型 邊種最值得投資? 27

Detached House 02
各種英國物業房屋類型 邊種最值得投資? 28

Semi-Detached House 半獨立式房屋

呢種房屋類型與Detached House嘅唯一分別,就係Semi-detached House喺現有建築結構上同隔離間屋共用一幅牆,除咗節省大量空間外,物業價格亦相比之下較平,性價比更高。

  • 優點:私隱度較高、性價比高
  • 缺點:與鄰屋只相隔一道牆

Semi detached House 01
各種英國物業房屋類型 邊種最值得投資? 29

Semi detached House 02
各種英國物業房屋類型 邊種最值得投資? 30

Flats / Apartments 公寓/樓房

毫無疑問,Flat / Apartment係英國最廣泛可見並最受歡迎嘅房屋類型,節省空間且非常便利,價錢亦相對於Detached House或Terraced House平唔少。同大家想像中嘅英國生活可能有啲唔同,其實唔少英國人都鍾意住Flat/Apartment,因為相對其他類型嘅英國樓經濟實惠,非常適合單身人士或者小型家庭居住。

Flat / Apartment有少少唔同,除咗英式英文同美式英文嘅用法差異之外,建築上都有唔同。Flat通常只有一至兩層,由多個房間組成;Apartment就通常會有較多樓層,佈置陳設上比Flat更加豪華。

英國常見嘅flat種類又分為以下幾種:Converted Flats、Split-Level Flat、Studio Flats,喺內籠裝修上會有少許分別,實用性同埋建築設計上有唔同嘅地方。

  • 優點:有專業物業管理、回報相對較高
  • 缺點:空間較小、或須共同負責公共空間

Apartment 01
各種英國物業房屋類型 邊種最值得投資? 31

Flat 01
各種英國物業房屋類型 邊種最值得投資? 32

Terraced House排屋

另一個非常常見同受歡迎嘅英國物業類型就係Terraced House,屋如其名就係排成一排嘅屋啦,通常由街一邊延伸到另一邊,相當節省土地。呢種屋為咗慳位亦好少會有前後花園,因此相對嚟講比其他屋種價格略低。

  • 優點:價格相對較平
  • 缺點:左右均有鄰居,私隱度較低

Terraced houses 01
各種英國物業房屋類型 邊種最值得投資? 33

Terraced houses 02
各種英國物業房屋類型 邊種最值得投資? 34

Bungalow 帶走廊的平房

Bungalow喺建築結構上睇亦係獨立屋,同Detached House最大嘅分別就係空間相對較細,必定有傾斜屋頂,中間會有天窗。由於Bungalow只有一層,比其他種類房屋佔嘅土地空間更大,所以基本上英國好少再有新起嘅Bungalow,多數存活嘅都喺上世紀興建。

  • 優點:空間較大
  • 缺點:價錢較貴

Bungalow 01
各種英國物業房屋類型 邊種最值得投資? 35

Bungalow 02
各種英國物業房屋類型 邊種最值得投資? 36

Cottages 鄉村屋/鄉村別墅

呢種房屋類型通常位處較偏遠嘅鄉村地區,多數已有幾百年歷史。呢啲小屋以堅固的結構見稱,並且有好厚嘅牆同埋傳統氛圍,現時多作為別墅渡假用。

  • 優點:遠離煩囂
  • 缺點:位置較偏僻

Cottage 01
各種英國物業房屋類型 邊種最值得投資? 37

Cottage 02
各種英國物業房屋類型 邊種最值得投資? 38

講完英國各種最常見嘅房屋類型,不如了解埋成日會聽到嘅Council House又係咩?

Council House 政府福利救濟房

Council House屬於英國公共房屋嘅其中一種類型,以低廉價錢租俾受政府救濟嘅國民,甚至會由政府負責俾租金。以外型嚟講會較貼近Flat/Apartment,功能亦相似。

有部分客戶買英國物業時,可能都想避開附近嘅Council House,點解呢?部分人認為受政府救濟嘅人之中有癮君子、失業人士等等,相對嚟講治安差少少,所以部分客戶就會偏向遠離Council House嘅地區,減低風險。

Council House
各種英國物業房屋類型 邊種最值得投資? 39

講咗咁多唔同種類嘅英國物業房屋類型,到底邊種最適合投資者投資呢?投資最主要都係講投資回報及容易管理嘅程度,計返性價比提煉出投資價值高低。

以投資回報嚟講,Flat單價較低,租金則與其他房屋類型相似,相對回報最好。上面都有提到Flat嘅性價比最高,相對投資回報亦較高。

了解最值得投資嘅英國物業,即刻登記免費諮詢,向專業顧問了解更多。

Share:

On Key

Related Posts

07-13/08 本週出租紀錄

今次出租紀錄為各位介紹的蘇格蘭物業,同樣位於North Lanarkshire的一房Flat。此物業位於受歡迎的住宅區,租金回報率更高達12%,客戶陳小姐表示對單位狀況及當地Agent的服務感滿意。

移民英國前一文睇清要交咩稅 英國稅務概況全面睇

大量港人透過BNO移民英國,出發前當然要好好配置資產,做好稅務規劃先出發啦!英國稅制與香港稅制不同,及早了解當地各種稅率計算方式,計劃好資產分配,將來生活時用錢預算就會更加充裕。即刻睇下英國各種稅項及計算方式!