移民英國前一文睇清要交咩稅 英國稅務概況全面睇

大量港人透過BNO移民英國,出發前當然要好好配置資產,做好稅務規劃先出發啦!英國稅制與香港稅制不同,及早了解當地各種稅率計算方式,計劃好資產分配,將來生活時用錢預算就會更加充裕。即刻睇下英國各種稅項及計算方式!

0816 UK Tax Introduction Decor 1 UK London Bridge
移民英國前一文睇清要交咩稅 英國稅務概況全面睇 7

英國稅制(個人)一:個人入息稅(Income Tax

與香港個人薪俸稅相似,英國個人入息稅同樣係以「累進稅(Progressive Tax)」為原則徵收,收入越高則需繳交更多英國入息稅,稅項計算方式如下:

以年計算

應納稅所得額稅率
0 – £12,5000%
£12,501 – £50,00020%
£50,001 – £150,00040%
£150,000+45%

想知自己要交幾多入息稅,仲可以上英國政府網站用稅項計算機,輸入年收入就會幫你計算應繳個人英國薪俸稅喇。


英國稅制二:英國國家保險稅(National Insurance

國家保險係英國福利制度的重要支柱,包括提供退休保障、失業援助等。上面提及嘅稅項計算機同時會顯示個人應繳國家保險費金額,一般為入息嘅12%。

通常情況下,國家保險稅直接喺你嘅工資裡扣除,發出前已經扣除應繳稅金。

英國國家保險稅稅率列表(週薪計算)

應納稅所得額(週薪計算)稅率
£183以下0%
£183 – 96212%
£962+2%

0816 UK Tax Introduction Decor 2 UK
移民英國前一文睇清要交咩稅 英國稅務概況全面睇 8

英國稅制三:英國市政稅(Council Tax

凡於英國擁有物業即須每月繳交市政稅(Council Tax)予英國地方政府,為使用服務付費,包括公共服務如圖書館、垃圾回收、建設等。英國各地方政府將物業分為A至H八級,A級物業所需繳交嘅Council Tax最少、H級則最多,通常市區英國稅率較郊區貴。

英國市政物業稅額每年喺£900-3,000之間,唔同地區會按情況提供唔同程度嘅免稅額,例如學生或領取福利人士都會獲政府免稅等。

而Council Tax一般則由住客繳交,如果移民後打算喺英國租屋,業主有機會要求住客負責繳交。各地區市政稅稅階唔同,詳情可以到英國官方網站嘅「Check your Council Tax band」查詢實際要繳交嘅稅款。

另外,如果你打算喺英國置業自住或投資,你都需要了解市政稅嘅繳交制度,以更好地保障自己權益。

英國稅制四:英國增值稅(VAT, Value Added Tax

英國VAT類似於某啲國家嘅銷售及服務稅,對某啲特定消費品進行徵稅。而英國VAT稅率為20%,並對大部分商品及服務都會收取VAT,只有部分物品獲豁免,如新鮮食品、必需品、嬰兒服飾或其他。

以下物品會徵收唔同嘅VAT英國稅率:

  • 香煙、酒
  • 汽油、柴油、及其他燃料
  • 賭博
  • 保險
  • 航班機票
  • 國外商品……等

更多詳情可前往英國官網參考稅率。

如果前往英國購買名牌商品可選擇退稅。一般嚟講扣除店家服務費與退稅公司收取嘅費用後,退稅只可退回8-12%嘅VAT。

0816 UK Tax Introduction Decor 3 UK Tax Calculation
移民英國前一文睇清要交咩稅 英國稅務概況全面睇 9

以上大致上就係英國基本稅制嘅簡介,移民去英國之前記得做好稅務規劃先出發。當然,除咗呢啲個人稅之外,都有其他更多關於英國投資嘅稅項,例如以下嘅CGT:

英國稅制五:英國資產增值稅(CGT, Capital Gains Tax

喺英國投資買賣股票、物業等,需要對所獲收益繳付英國資產增值稅。對有投資英國物業嘅港人嚟講,假如要出售放租物業中間獲得嘅收益則需要繳交CGT,而自住物業則毋須支付英國資產增值稅。

2021/22年度嘅英國資產增值稅限額為£12,300,你嘅應課稅收入如果超過限額,即要繳交住宅物業收益嘅28%增值稅、或其他應稅資產嘅20%。

除咗CGT之外,都有其他關於購買英國物業嘅稅項,之前都有介紹過英國物業印花稅,有興趣喺英國置業嘅話,最好要了解下英國物業印花稅嘅計算方法 → 英格蘭即將調整物業印花稅 一文睇清英格蘭、蘇格蘭最新物業稅率

想了解更多英國稅項嘅計算方法、又或者進行稅務規劃等,都可以登記免費諮詢先,或者聯絡英國稅務專家啦!

Share:

On Key

Related Posts

加拿大選校攻略 如何喺加拿大幫子女搵學校

大部分港人移民加拿大都為子女能有更美好嘅未來,如何為子女搵一間好學校協助佢哋健康快樂成長,係唔少家長嘅考慮。去到加拿大想揀名校入讀係無稽?今次就為大家帶來加拿大選校攻略,教下大家點喺加拿大揀中學。