移民去澳洲前要做咩準備？除咗考IELTS、EOI計分外，進行職業評估（Skill Assessment）都係其中一個重要環節，直接影響技術移民嘅大分數，更決定你去澳洲可以從事咩職業。快速認識下澳洲Skill Assessment啦！
澳洲技術移民申請流程
PRE-APPLICATION：考IELTS
STEP 1：進行Skill Assessment
STEP 2：計算EOI分數
STEP 3：州政府提名
STEP 4：提交申請資料
可以話，喺正式提交澳洲技術移民申請必先做好Skill Assessment，咁申請移民先更大機會成功。
咁Skill Assessment係咩？實際上又要點做？
大部分用技術移民方式去澳洲嘅申請者，喺計算EOI分數前都需要先做好職業評估，評估過去嘅工作經驗符唔符合澳洲職業評核機構（Skills Assessing Authorities）嘅要求、可獲計算為幾年有效嘅工作經驗，並評估工作技能，最終可獲幾多技術移民分數。
而列表中大部分職業都有個別嘅職業評估機構，澳洲政府只接受職業對應相關評估機構出具嘅技能評估。
咁如何得知自己嘅職業對應咩職業評核機構？詳情可以參閱澳洲技術移民列表，睇返對應機構，再了解職業評估要提交咩文件、同埋有咩要求啦！
即睇澳洲技術移民職業列表 (Skilled Occupation List) 中文翻譯版，包括短期技術職業列表 Short-Term Skilled Occupation List (STSOL)、中長期技術職業列表 Medium And Long-Term Strategic Skills List (MLTSSL)、偏遠地區職業列表 Regional Occupation List (ROL)，搵出你嘅職業對應咩職業評估機構
澳洲技術移民必睇 澳洲技術移民職業列表 (Skilled Occupation List) 中文翻譯版
就以工程師計，澳洲技術移民嘅職業評估由澳洲工程師協會（Engineers Australia, 簡稱EA）評估。
香港工程師學位獲得華盛頓協議（Washington Accord）簽署，因此經香港工程師學會認可的工程學歷會得到國際認可，所以基本上在香港完成嘅工程類學士學位（或更高學歷）均會獲澳洲承認，包括在列表上的工程學位。詳情可到香港工程師學會參閱相關認可課程：https://hkie.org.hk/zh-hant/quali/program/
另外，作為工程師嘅工作經驗亦須經過EA評核，確認一定工作經驗年期及工作技能，先至可以得出最後技術移民分數。
仲想了解更多澳洲技術移民，即刻登記免費諮詢啦！
