移民加拿大100問(下) 移民前準備及落地篇

1027 100Q 3 Decor 1 Application
移民加拿大100問(下) 移民前準備及落地篇 6

申請前準備篇

  1. 申請簽證前護照要預留幾耐有效年期?
    所有申請人及家人護照必須至少三年有效期。

  2. 出發前需要準備體檢(Body Check)報告嗎?
    需要,詳見加拿大移民體檢有咩疾病過唔到?  即睇加拿大身體檢查有咩項目必查

  3. 收到移民簽證或工作簽證許可後有咩需要注意?
    記得檢查清楚簽證名字及日期正確無誤。

  4. 入境加拿大前有咩需要準備?
    準備所有相關文件供帶入境到入境部門檢查,當中包括移民簽證及文件等,子女過往嘅疫苗接種紀錄。

  5. 入境加拿大需要申請簽證嗎?
    加拿大每人入境前都要申請eTA,需要入境加拿大嘅人士都需要先進行網上申請,一般而言提交後數分鐘即獲批,只有極少數情況下需要申請者提交文件支持。

  6. 入境加拿大前需要準備COVID-19接種疫苗證明或檢測紀錄嗎?
    由今年10月1日起將放寬旅客入境限制,不再要求外國入境者打針,並不強制旅客透過APP上載疫苗接種紀錄等,撤銷所有COVID-19相關措施。

1027 100Q 3 Decor 2 Monetary USD dollar
移民加拿大100問(下) 移民前準備及落地篇 7

財務準備篇

  1. 離開香港前需要進行任何稅務安排嗎?
    根據香港稅務條例規定,所有納稅人如決定離開香港,須喺唔遲於預計離港日期前一個月通知稅局,稅局會決定你是否需要清稅。不過一般情況下,僱員只需通知僱主,僱主便會通知稅局。稅局發出報稅表後,僱主填完並繳清所有稅項後,稅局發出「同意釋款書」後,僱主收到後先可以發放薪金俾員工;如僱主未能通知稅局,僱員有責任自行通知稅局。

  2. 離開香港可以申請提早提取強積金嗎?
    一般提取強積金須年滿65歲退休,可有幾種理由向積金局申請提早提取,例如永久離開香港。

  3. 申請提早提取強積金有咩步驟?
    想了解提早提取MPF嘅步驟及須填寫嘅文件,可參考以下文章:部署離開香港點樣提取MPF?

  4. 離開香港前應唔應該先放盤?
    見仁見智。其實都要視乎你層樓嘅市價、預視將來升幅、以及物業在港有冇人管理、甚至係日後會唔會返香港居住,決定係咪要現時放盤。

  5. 離開香港前仲有冇其他財務上嘅準備?
    如你想日後喺加拿大購買物業,你可先喺香港申請信貸評級。

  6. 有冇需要喺香港開定加拿大銀行戶口?
    有部分加拿大銀行提供海外開戶服務,網上開設後可先轉賬到加拿大,實際到埗加拿大後就可啟用戶口嘅全部功能。

    另外或可選擇喺加拿大及香港兩地均有分行嘅銀行開戶,又或者選用匯款app轉賬到加拿大,視乎每個人嘅實際需要而定。如何轉賬到加拿大最抵?

    如果想方便,可以經銀行T/T轉賬,但匯率相對較貴,亦要收返手續費;另外證券戶口亦可用作兌換外幣及離岸戶口使用,市面上更有好多轉賬app,有更相宜嘅匯率及更低手續費。

    如想了解更多網上匯款服務詳情,可參閱文章:一文比較最抵兌換匯款方式 移民他國點樣最慳匯率?

  7. 可以直接攜帶現金入境加拿大嗎?
    可以,但只可攜帶CAD$10,000入境,如超過則需向加拿大海關申報。現金形式包括加幣及其他國家嘅貨幣、旅行支票、匯票、投資證券等各種形式貨幣。

1027 100Q 3 Decor 3 Transportation and logistics
移民加拿大100問(下) 移民前準備及落地篇 8

運送家當篇

  1. 移民搬運家當應選擇空運定海運?
    移民潮持續,且船期仍受疫情影響,船運會相對較空運需時較長,可能或需一至兩個月先可收到物品,建議如果選擇嘅話先報價及預算好收到時間,以免搬屋落地失預算。而空運則相對貨運量容量較小,但時間相對較快亦較貴。建議客戶可按自己需要及預算選擇運送方式。

  2. 應如何選擇空運定海運?
    如果你有大量貨物包括傢俬需要運送,基本上海運會較划算。如果搬運量唔多,空運搬運所花費時間會較短,運費或有機會較低。通常由亞洲去歐洲或美洲,海運需時約30日,運送亞洲區內只需幾日。

  3. 海運運費一定比空運便宜?
    唔一定,運費計算根據起運地及目的地、貨物重量及尺寸、出貨日期等,有時候空運反而會比海運更便宜,且貨物更快到達目的地。如果搬運量唔多,空運搬運所花費時間較短,運費或有機會較低。

  4. 可採用混合運輸模式?
    部分搬屋公司支持混合式運輸模式,,急用物品先用紙箱運輸,不需急用的傢俬可使用貨櫃運輸。

  5. 如何決定應該攜帶咩物品移民?
    移民唔同搬屋,搬運時應該帶走最需要、記念價值高,並且喺外國難以購買或單價高嘅物品。單價較低嘅物品則可避免攜帶,以免搬運費仲貴過物品本身,去到再買就可。

  6. 加拿大電壓係咪與香港唔同?
    加拿大嘅電壓係110-120V,而香港係220V。

  7. 香港嘅電器可否帶去加拿大使用?
    唔可以,由於電壓唔同,除咗國際電壓頭電器外大部分都用唔返,或者需要購買變壓器。

  8. 應該選擇將咩電器帶到加拿大?
    例如廚師機 / Mixer / 多功能Blender、電飯煲、電腦及手機、美容儀產品等,較難喺加拿大買到,即使買到價錢亦較貴。

  9. 傢俬應該搬到加拿大嗎?
    視乎實際需要而定,或需要考慮搬運及拆裝成本,甚至係當地房屋位置擺位等。
    但個別物件如鋼琴、樂器、床褥、梳化、玻璃擺設,大家未必識自行包裝,或可選擇使用搬屋公司提供嘅裝箱服務。

  10. 移民搬屋流程如何?
    選定搬屋嘅物品清單後,可選擇搬屋公司報價,比較唔同公司嘅商譽、服務內容、價錢及運輸方案等。

    喺比較過程中可安排報價,部分搬屋公司或須上門報價,亦有部分國際貨運格價平台可因應物品尺寸、數量及重量等資料自助免費報價。

    確定好報價及訂單後,整理好物件須預約搬屋公司上門提取,搬屋公司會因應客戶情況安排存倉、專業包裝、進行報關手續等,辦妥一切後開始運送。貨物抵達目的地後會進行清關手續,最後安排送貨到指定外國地址。

  11. 如果我到埗加拿大暫未有固定住所,可否暫緩存倉?
    若然客戶到埗後需要短暫住在酒店等地方,應主動通知搬屋公司,可協助客戶尋找最適合嘅運輸方案,例如海運代替空運,從而讓客戶有更多時間準備新居所,減省運輸成本,或可暫時存倉。

  12. 搬屋報價包括咩項目?
    須留意報價中,除運費外有冇包括報關清關、稅項、倉儲、傢俬拆裝附加費、上落樓梯及大型物件搬運費等。

  13. 搬屋公司會為我嘅物件買保險嗎?
    可向搬屋公司選擇購買保險,以確保運送過程中如有發生意外,貨物損毀,都可獲賠償。

  14. 移民海外運費需預算多少?
    收費取決於物件嘅大小、重量、價值、運輸模式等。以一個三人家庭為例,平均需搬運20個紙箱、每個15公斤,目的地為澳洲及英國,分別預算1.1萬及1.45萬港幣左右。

  15. 搬屋物品需要繳交入口稅嗎?
    部分國家或對入口當地嘅物品徵收入口稅。不過一次過移民搬家而運到當地嘅物品,有完整報關下通常獲豁免繳稅。

  16. 邊啲物品喺寄運前宜先向搬屋公司查核?
    加拿大嚟講,要求木製品,包括木櫃、木箱等傢俬,需要先進行熏蒸處理並提供證明書,以預防境外害蟲入侵影響當地生態。

    另外包含製冷劑的雪櫃及冷氣機、食品(特別是肉類、奶製品、海鮮、海味)、煙酒、藥物及健康食品、含有鋰電池嘅電子產品、包括撲粉嘅粉狀物、壓縮產品如噴髮膠、液體、木製傢俬等,都有可能獲要求預先進行申報或申請通關文件。

1027 100Q 3 Decor 4 Pets
移民加拿大100問(下) 移民前準備及落地篇 9

寵物移民篇

  1. 為寵物準備移民前需要準備咩?
    首先,主人須帶寵物到獸醫診所打齊加拿大入境所需疫苗,並獲針卡以作證明。於離境七日前再到獸醫處檢查後,及後去漁護處簽發或加簽獸醫簽發的寵物健康證明證書,預訂航班並準備寵物箱尺寸預備運送。

  2. 寵物入境加拿大後需要隔離檢疫嗎?
    目前所有寵物入境加拿大程序上無須進行隔離觀察,但主人須於出發前七日發出嘅健康證明書及狂犬病疫苗證明,並繳交動物入境税。大家記得交齊之前所有文件給海關人員檢查,方便職員處理。

  3. 寵物離境前有咩需要準備?
    主人於離境前數小時可暫停餵食寵物,減低牠們於機上如廁嘅機會。另外,喺香港機場出境時需準備狗牌、針卡及已加簽嘅健康證明書予地勤人員核對。職員會為 寵物磅重及量度寵物籠大小,以確保符合登機要求。

  4. 可選搭邊間航空公司帶埋寵物前往加拿大?
    暫時可供寵物乘搭客艙的航空公司暫時只得加拿大 航空,而每班機嘅寵物位置有限,亦非常緊絀。而加拿大航空對寵物嘅大小亦有限制,主人務必於預訂航班時致電航空公司加購寵物機票及查詢詳情。

  5. 加拿大航空對寵物箱嘅大小限制係幾多?

1027 100Q 3 Decor 4 Canada Air size
移民加拿大100問(下) 移民前準備及落地篇 10

希望呢移民加拿大100問可以幫到你了解更多加拿大生活及移民方面嘅小知識

Share:

On Key

Related Posts

2023最新加拿大留學開支全面睇

赴外國留學一向都被外界認為開支高昂,而眾留學大國包括英國、美國、澳洲及加拿大等,加拿大嘅留學費用都獲大眾視為相對相宜嘅選擇、比英、美等地較實惠。其實加拿大真實嘅留學費用幾多?生活費又應該如何預算?