加拿大港人救生艇政策推出已有一段時間，Open-work Permit申請限期將於明年2月屆滿，唔少港人打算最後衝刺趕最後限期。有人選擇行特快救生艇通道，都有人選擇傳統技術移民方式。到底呢兩種移民方式有咩分別、又各有咩優劣之處呢？
CRS計分
為使更多港人可經救生艇快速移民加拿大，該政策要求相對寬鬆，無須似其他技術移民計分入池，符合五年內學歷要求及滿足工作時數即可。而通過EE (Express Entry) 快速通道嘅加拿大技術移民方式，大部分都需要按照加拿大計分系統（CRS）按照學歷、語言能力、工作經驗等技能計算分數，入pool後等抽籤邀請PR。聯邦技術移民又分聯邦技術移民 (FSWC)、聯邦技工移民 (FSTC)、經驗類移民 (CEC)，唔同類別移民有唔同分數要求、抽籤分數亦不一。
學歷要求
港人救生艇政策要求申請者須持合資格嘅五年內學歷，工作一年或採留學方式移民加拿大，表示對港人有一定學歷要求，學士學位以下學歷更必須通過加拿大學歷認證，方可證明其申請資格。
技術移民嘅學歷要求則視乎申請者所申請嘅移民項目而定，大部分並無硬性規定必須達至大專以上、通常高中畢業亦可。但睇返最近一年嘅技術移民抽籤，要湊夠分數學歷都要起碼有大專學歷，係咪需要進行學歷認證就視乎永居時要求而定。
語言要求
救生艇政策並冇要求申請者於申請時英語水平能達到某個標準，當然喺申請Stream A留學入讀時會對申請者嘅英語水平有一定要求，但Stream B就冇明確要求。不過，無論行邊條途徑，永居時都會對申請者嘅英語水平有一定要求，一般約為CLB 7或IELTS 6.0左右。
同樣都係技術移民計分所需，會對申請者嘅英語及法語水平作評分，一般建議有IELTS 5-6分 / CLB 5-7水平較穩陣，及早考定CLB或IELTS都可以節省申請時間，亦可對自己嘅移民資格作更精準評價。
職業分類
持救生艇Open-work Permit到加拿大工作不限工作職位、職業、薪金水平（當然要符合最低工資要求）等，只要符合工作時數滿一年就可申請永居。
技術移民嘅職業要求就相對嚴格，需要按過往工作經驗配對職業，須視乎短缺職業或指定職業先可申請指定技術移民計劃。
加拿大技術移民與港人救生艇政策各有不同，當然救生艇政策相對簡單快捷。想評估下自己到底適合咩方式移民加拿大，即刻登記免費諮詢啦！
