fbpx

Day: May 11, 2021

Overseas Living

2021年移民加拿大十大高需求職業大揭秘!COVID-19疫情下咩職業最吃香?

喺疫情嘅陰霾下,各國受疫症大流行影響,唔少人因而失業,但亦同時因為疫情影響而創造咗唔少新職位。加拿大港人救生艇政策容許5年內畢業嘅畢業生申請工作簽證,驚去到搵唔到工嘅你,最好就睇定到底當地咩職業夠搶手,連疫症流行都唔怕冇得撈,就唔洗擔心冇辦法安穩留到永居喇! 呢個調查係由加拿大人力資源公司Randstad發表,估計2021年嘅高需求職業列表如下: 客戶服務人員(Customer Service Representative)由於疫情大流行,訂單延誤、缺貨等情況屢見不鮮,令加拿大各公司對客戶服務人員嘅需求急升,而且客戶亦傾向與真人客服接觸。 司機(Driver)疫情下大多市民轉向網購,時不時嘅lockdown亦令大家需要囤積更多生活必需品,以及向醫院運送醫療物資等,對各種類型的駕駛員需求旺盛。 註冊護士(Registered Nurse)喺疫情前,加拿大對護士嘅需求已經十分熱烈。喺疫情大流行下,對護士嘅需求就更加大幅上升。按估計,2022年前加拿大將需要超過60,000護士,以應付日漸增長嘅老年人群。 一般工人(General Labourer)加拿大對工人嘅需求十分高,例如建築工人、裝修工人等。當然實際各省對工人嘅需求不同,具體都要睇返個別地區嘅人才清單而定。 電機工程師(Electrical Engineer)唔止加拿大,各國公司都依賴電機系統運行,對電機工程師嘅需求亦甚高,尤其是具有多元化技術嘅工程師,除專業技術外,亦有溝通及寫作技巧等。 軟件開發人員(Software Developer)疫情下唔少公司推行在家工作(Work from Home),亦推動網上購物嘅發展,對更高嘅軟件技術層面嘅需求日增,令懂得編寫程式及設計手機應用程式嘅軟件開發人員更容易喺加拿大搵到工作。 會計師(Accountant)會計師絕對係每間公司必要嘅編制人員,在取得政府資助、稅務減免、制訂準確嘅財政計劃等專業嘅財政範疇,都需要會計人員嘅精確建議。 人力資源經理  (Human Resources Manager)人力資源管理人員喺疫情大流行時,對企業管理人才方面顯得極之重要,例如喺制訂在家工作政策、健康及安全政策等都舉足輕重。同時人力資源經理亦都需要喺艱難環境下,繼續保持員工士氣。 財務策劃師(Financial Advisor)受疫情影響,唔少人都可能遇上唔同嘅財務困難,財務策劃師就能為面臨抵押貸款、房租、及債務困難嘅個人提供支持同埋建議。 科技人才(Tech Sector)即使喺疫情仍未大流行時,科技人才亦一直十分渴市,特別係加拿大嘅BC(British