fbpx

2022澳洲留學移民最新政策 熱門留學科目揀咩好?!

澳洲政府於月餘前推出港人避風港政策,推出特設通道協助港人移民澳洲,主要分為留學及工作兩條路,當中又以留學移民較受歡迎。留學澳洲有咩熱門科目?移民應該揀咩科目?讀咩容易搵到工?今次一一為你拆解澳洲留學應該做咩選擇!

關於澳洲推出專屬港人嘅簽證及永居路徑,詳情可以睇返先前嘅文章分析 👉🏻 澳洲避風港政策公佈 港人專屬簽證永居門檻極低

如果你符合資格申請以下其中一種簽證,你將可以持簽證至最多5年,符合通用條件後可申請技術移民簽證--技術移民獨立簽證(Skilled Independent Visa, 189 Visa偏遠地區技術移民永久居留簽證( Skilled Nominated Visa, 191 Visa,透過新設立嘅Hong Kong Stream申請永居。

  • 畢業生簽證(Temporary Graduate Visa, 485 Visa)
  • 臨時工作簽證
    • 臨時技術移民工作簽證(Temporary Work (Skilled) visa, 457 Visa)
    • 臨時技術短缺簽證(Temporary Skill Shortage visa, 482 Visa)

根據澳洲官方網頁,485簽證又分為下列三種路徑:

 Graduate Work streamPost-Study Work streamSecond Post-Study Work stream
申請資格• 中長期技術職業列表 (MLTSSL) 中獲提名一種職業;及
• 擁有與該職業密切相關嘅學位(degree)、文憑(diploma)或職業證書(Trade Certificate);及
• 須通過指定評核機構嘅職業評估
• 必須畢業於以下其中一種課程:
o 學士學位bachelor degree
o 榮譽學士學位bachelor (honours) degree
o 授課型碩士學位masters by coursework degree
o 延伸碩士學位masters (extended) degree
o 研究型碩士學位masters by research degree
o 博士學位doctoral degree
• 必須畢業於偏遠地區學院,並且學位須為學士學位或以上  

移民澳洲途徑雖然有千千萬條,但對澳洲移民政策略有研究嘅你都會知道,留學移民已經係相對容易嘅途徑。依家可以透過485畢業生簽證轉Hong Kong Stream,咁有咩熱門留學移民科目容易移民呢?

講到容易搵工嘅學科,可以參考下技術移民必睇嘅職位列表 👉🏻 澳洲技術移民職業列表 (Skilled Occupation List) 中文翻譯版

上榜嘅職業就肯定渴市、熱門得嚟,亦容易搵到工。

以下我哋精選咗十種專業建議大家都可以就讀,畢業後從事返相關職業,大大增加移民澳洲嘅機會:

醫療專業

COVID-19全球大流行以及全球人口老化對醫療系統負擔日重,大大提升各種醫療專業包括全科醫生、外科醫生、物理治療等醫療及相關專科嘅需求。

工程

無論係建築相關嘅土木工程、結構工程、定係機械工程等專業,總之係建築類別嘅工程人才喺澳洲勞工市場均出現短缺,政府亦有意吸納更多人才幫助當地經濟復甦。

科學

COVID-19疫情影響下,生物科技專業人才非常渴市,而對科學研究嘅需求亦日益增長,相信澳洲對科學研究嘅需求將會持續增加。


資訊科技(IT)

全球科技極速發展,加上疫情肆虐下唔少人在家辦公,對掌握資訊科技技術專才嘅基本需求上升,澳洲大量增聘軟件工程師、程序員、以及其他資訊科技人才。

行政管理

無論任何國家地區,優秀管理人才均十分珍貴,能最大程度增加工作效率及減省營運成本。當然,如果你有豐富管理知識融合經驗更佳!

會計

作為傳統行業,澳洲對會計人才需求極大並持續上升,澳洲會計師喺澳洲亦係高薪職業。

旅遊與款待

雖然全球大流行仍未結束,但預計疫情緩和後,澳洲旅遊業仍會繼續蓬勃,日後人才需求將會再度增加。

幼兒教育

隨更多亞洲家庭移居澳洲,澳洲當地對託管兒童需求日增,從而增加不少對幼兒教育人員嘅需求。

木工

對於實業類嘅人才,澳洲就業市場對木工一直處於渴求狀態,而且澳洲建築業以木工為主,更加係當地高薪行業之一,即使冇經驗時薪亦非常高。

廚師

同樣地,廚師喺澳洲都係緊缺職業之一。因為廚師工時長、工作環境較辛苦,較少本地人願意工作,因此亦係當地高薪職業,晉升前景不俗。

想睇更多前景好嘅澳洲高薪職業,判斷讀咩專業好,可以睇返之前嘅文章 👉🏻 咩職業移民澳洲最有著數 澳洲就職概況及高薪職業年薪一覽

仲想了解更多澳洲留學資訊,即刻登記Free Consultation,搵我哋專業顧問幫下你揀返科心頭好!

Established in Hong Kong in 2008, Jiayu is a consulting firm with rich experience and excellent reputation for providing immigration, study abroad and overseas property investment services. Our team combines lawyers, accountants, legal notarization and dozens of professional services staff, is committed to providing customers with professional services, detailed and objective analysis, attentively and carefully tailor-made for you.

Share:

Share on facebook
Share on whatsapp
Share on linkedin
Share on twitter
Share on google
Share on telegram
On Key

Related Posts

15-21/05 本週出租紀錄

今期出租紀錄為大家介紹蘇格蘭Inverclyde(因弗克萊德)的兩房Flat,屬蘇格蘭熱門住宅區之一。這間物業的租金回報為15%,客戶潘先生對物業回報感到十分滿意,亦滿足Sourcing Agent及Letting Agent的專業服務,而物業交易終用約兩個多月完成。

澳洲特設港人避風港政策或有限期 移民澳洲要盡快?

早前澳洲政府推出港人避風港政策,令持有或即將持有畢業生簽證或臨時技術簽證嘅港人可延長持有至5年,並滿足一定條件後經港人途徑(Hong Kong Pathway)申請永居,無須滿足技術要求。早前有消息指出,該政策文件將限期設於2032年,恐怕優待港人政策或將取消?

澳洲入息稅或高達45% 即刻比較香港與澳洲稅制

澳洲係最熱門嘅港人移民嘅移民地點,相信好多有決心移民嘅港人都會對澳洲稅制非常關心,了解該國如何徵稅無論做生意定打工都有個預算。澳洲稅制與香港不同,與加拿大、美國等國同屬全球徵稅。即刻睇落去即知澳洲入息稅、各種稅項點計!