一文帶你看清出發移民前有咩基本準備

港人移民潮仍持續,分析比較移民邊度好都睇得多,今次純粹同大家分享下遠走他鄉有咩大大小小嘅準備工夫,希望大家可以喺離開前盡量做好萬全準備,喺遠洋以外展開新生活會相對容易。即刻由衣食住行各方入手,睇下移民應該做咩準備喇!

0112 Preparation Before Immigration Decor1 COVID 19 vaccines Journey Immigration
一文帶你看清出發移民前有咩基本準備 5

疫情檢疫措施——疫苗、隔離

COVID-19疫情持續,各國對入境者都有唔同入境限制及檢疫措施,大部分國家都要求入境者打齊針,更加要查下當地接受咩疫苗、隔離日數或者免隔離條件係咩,以免被拒入境。以下係熱門移民國家針對疫情嘅入境檢疫措施供參考:

國家檢疫措施
Australia·         入境14日或之前完成接種澳洲藥物管理局 (TGA) 認可之疫苗
·         出發前72小時內PCR檢測陰性證明
·         航班起飛前72小時完成澳洲旅遊申報表
·         隔離時間視乎各州規定,詳見澳洲網站
Canada·         入境14日或之前完成接種加拿大政府認可之疫苗
UK·         入境前完成接種英國政府認可之疫苗
·         出發前48小時內PCR檢測陰性證明
·         前往英國政府網站睇檢疫措施

部分國家可以容許入境者打齊針後免隔離,否則就要預先預約隔離酒店。建議各位正式出發前,就個人情況先諮詢一下目的地嘅入境部門,如果冇預算好隔離措施就飛,有可能入唔到境㗎。

處理資產

正式離港在即,所有實體或非實體資產都要變型運去外國,例如係你自住嘅物業、銀行存款、或者係其他投資等。

有樓嘅放盤賣樓、有錢嘅就唱定當地貨幣轉帳到外地銀行戶口;甚至其他投資資產喺衡量過後都可以賣得就賣,易於管理嘛。至於大家都好關注嘅強積金當然要拎走啦,拎唔拎到就睇功力同公司喇。

0112 Preparation Before Immigration Decor2 Property for sale Journey Immigration
一文帶你看清出發移民前有咩基本準備 6

開設當地銀行戶口

啱先講完轉錢去移民目的地,當然就要開定當地嘅銀行戶口啦。無論你嘅考量係穩陣定係高息高回報,相信唔同銀行或金融機構嘅計劃都可以幫到你。

唔少港人早喺去年就開始「走資」,可以透過本地銀行嘅海外業務開設離岸戶口外,都可以揀線上開虛擬銀行戶口、又甚至係用證券戶口收息都得。想知更多相關資訊,即刻重溫下我哋之前嘅文章,教你點樣轉移資產 👉🏻 走資潮再現!比較港人常用三種投資戶口

準備租屋或酒店

移民前必定已經揀好目的地,但疫情下租樓未有得實地睇樓先,有部分人會選擇到埗初步settle好先再租樓,先租住airbnb或者酒店,再慢慢揀定位置,決定到底租樓定買樓。

如果決定好地方之後,記得處理好埋轉戶、轉名,搞埋地稅、電費、水費戶口等。

處理保險相關事宜

外國地大物博,有車方便得多。即使你有香港車牌或國際車牌,都要留意返當地接納嘅車牌種類,準備定相關文件,如過往汽車保險資料及無賠償証明書正本買定車保。

如果有需要嘅話,個人醫療保險、甚至係房屋保險都記得要買!而本身喺香港買落嘅保險點算?去到外地保障有機會打折扣,離開前最好問下你嘅保險代理點處理最好。

0112 Preparation Before Immigration Decor3 Documentation Journey Immigration
一文帶你看清出發移民前有咩基本準備 7

取消香港非必要服務

正式移民同香港暫別或永別,住咗咁耐相信都有唔少服務計劃要Cut,例如係cut極都cut唔到嘅有線、電話上台服務等等等等。咁香港電話號碼仲使唔使留?銀行戶口呢?咁就視乎個人需要而定喇。

運走家當

移民順便學埋斷捨離喇!移民唔同搬屋,將所有雜物都搬去外國蹝錢又蹝時間,一啲唔太重要嘅雜物就唔好帶過去,只帶核心行李同一啲必備衣物,其他唔太重要嘅嘢就留返俾有需要嘅人喇。

0112 Preparation Before Immigration Decor4 Carriers Journey Immigration
一文帶你看清出發移民前有咩基本準備 8

最後,移民最緊要就係準備好你嘅心態,依家唔係走難、亦唔係逃避啲咩,離開香港開展新生活,放低身段重新開始所有,加油!

Established in Hong Kong in 2008, Jiayu is a consulting firm with rich experience and excellent reputation for providing immigration, study abroad and overseas property investment services. Our team combines lawyers, accountants, legal notarization and dozens of professional services staff, is committed to providing customers with professional services, detailed and objective analysis, attentively and carefully tailor-made for you.

Share:

On Key

Related Posts

07-13/08 本週出租紀錄

今次出租紀錄為各位介紹的蘇格蘭物業,同樣位於North Lanarkshire的一房Flat。此物業位於受歡迎的住宅區,租金回報率更高達12%,客戶陳小姐表示對單位狀況及當地Agent的服務感滿意。

移民英國前一文睇清要交咩稅 英國稅務概況全面睇

大量港人透過BNO移民英國,出發前當然要好好配置資產,做好稅務規劃先出發啦!英國稅制與香港稅制不同,及早了解當地各種稅率計算方式,計劃好資產分配,將來生活時用錢預算就會更加充裕。即刻睇下英國各種稅項及計算方式!