成功獲得LMIA工作簽證赴加之後，有咩途徑後續移民加拿大？加拿大作為基本上最容易移民、又最多移民途徑嘅移民大國之一，當然有好多途徑喺獲LMIA工作後移民加拿大。依家即刻為你介紹！
LMIA係咩？
LMIA全名Labour Market Impact Assessment，即僱主擔保申請工作力市場評估，為加拿大僱主聘請外國勞工時必須向就業及發展部門申請嘅評估報告，獲得LMIA後，僱員才獲准赴加拿大工作。
申請LMIA時，僱主必須證明喺本地就業市場無法滿足聘請需求，試圖考慮符合資格嘅加拿大公民或永久居民後仍未能聘請到合適人選，才可獲批。
批出嘅工作簽證時長則視乎該職位係高薪或低薪級別，高薪類別工作簽證時長可獲批最多兩年，低薪類別簽證時長約為一年，若工作簽證期滿後有意續簽則需重新申請LMIA。
拎住LMIA工作簽證前往加拿大工作後，可以透過咩途徑留低工作？
PNP（省提名）
工作半年至一年後，申請者可以自由申請各省省提名，按現有工作Offer及獲得加拿大工作經驗獲計分表加分，計分後遞交申請，增加入池後獲抽機率。加拿大各省約每兩星期或每個月按技術類別抽出一部分人，邀請中籤者發出永居邀請，中籤者即可補齊文件取得PR身份。
以港人大熱BC省為例，上次喺2月14日248個申請者並發出永居申請邀請，睇睇官方資料作參考：
Express Entry CEC（聯邦經驗類移民）
於加拿大工作夠一年後，申請人可循聯邦移民途徑Express Entrty系統遞交入池申請，通過CEC（Canadian Experience Class）經驗類移民申請移民。
呢個技術移民類別主要設計俾本身已經喺加拿大工作嘅臨時工人、或有意留喺加拿大發展嘅國際留學生，主要基本申請要求包括至少一年國家職業分類NOC 0、A或B類工作經驗、符合一定英語要求即可。
與PNP方式相似，遞交入池申請後於加拿大工作滿一年後，獲邀出池後即可申請加拿大永居。
Stream B（港人救生艇）
港人救生艇政策推出多時，最近加拿大政府宣布延長開放式工作簽證申請限期，並放寬申請條件至畢業後十年內均可申請。
合資格嘅申請者喺加拿大工作一年後，可直接通過港人救生艇政策直接申請永居，值得留意嘅係申請PR嘅限期為2026年8月31日，建議有意行呢條路徑嘅申請人睇住時間前往加拿大。
關於更多加拿大港人救生艇申請條件，可睇下之前嘅文章：加拿大移民救生艇政策解構2022 教你應該揀Stream A定Stream B
相信唔少朋友移民加拿大後仍會繼續工作，咁搵份符合資歷及現有工作經驗嘅工就非常重要。與其盲中中周圍搵工，不如Free Consultation了解更多！
